ਦਰੱਖ਼ਤਾਂ `ਤੇ ਵੀ ਪੈ ਰਹੀ ਹੈ ਪ੍ਰਦੂਸ਼ਣ ਦੀ ਮਾਰ – ਵਿਜੈ ਗਰਗ

ਮਲੋਟ, 9 ਦਸੰਬਰ (ਪੰਜਾਬ ਪੋਸਟ ਬਿਊਰੋ) – ਪ੍ਰਦੂਸ਼ਣ ਦਾ ਪੱਧਰ ਇਥੋਂ ਤੱਕ ਵਧ ਗਿਆ ਹੈ ਕਿ ਬੂਟਿਆਂ ਤੇ ਰੁੱਖਾਂ `ਤੇ ਵੀ ਇਸ ਦਾ ਅਸਰ ਸਪੱਸ਼ਟ ਵਿਖਾਈ ਦੇ ਰਿਹਾ ਹੈ ਅਤੇ ਇਨ੍ਹਾ ਦਾ ਦਮ ਘੁੱਟ ਰਿਹਾ ਹੈ।ਇਸ ਮਾਹੌਲ `ਚ ਇਹ ਬੂਟੇ ਤੇ ਰੁੱਖ ਸੁੱਕਣ ਲੱਗ ਗਏ ਹਨ, ਖਾਸ ਕਰਕੇ ਸੜਕਾਂ ਕਿਨਾਰੇ ਲੱਗੇ ਦਰੱਖ਼ਤ ਅਜਿਹੇ ਦਿਸ ਰਹੇ ਹਨ।ਇਨ੍ਹਾਂ ਦੇ ਤਣਿਆਂ `ਤੇ ਪੱਤੇ ਮੁਰਝਾ ਚੁੱਕੇ ਹਨ।ਅਜਿਹੇ ਹਾਲਾਤ `ਚ ਪਿਛਲੇ ਸਾਲਾਂ ਤੋ ਲਗਾਤਾਰ ਬਰਕਰਾਰ ਦਰੱਖਤਾਂ ਦੀ ਹਰਿਆਲੀ ਵੀ ਘੱਟਦੀ ਜਾ ਰਹੀ ਹੈ।ਦਰੱਖਤਾਂ ਦੇ ਟਾਹਣਿਆਂ ਅਤੇ ਪੱਤਿਆਂ `ਤੇ ਮਿੱਟੀ ਘੱਟੇ ਦੀ ਮੋਟੀ ਪਰਤ ਜੰਮ ਗਈ ਹੈ।ਜੇਕਰ ਇਸੇ ਤਰ੍ਹਾਂ ਹੀ ਪ੍ਰਦੂਸ਼ਣ ਰਿਹਾ ਤਾਂ ਦਰੱਖਤਾਂ ਦੀ ਹਰਿਆਲੀ ਨੂੰ ਇੱਕ ਬਹੁਤ ਵੱਡਾ ਖ਼ਤਰਾ ਹੋ ਸਕਦਾ ਹੈ।