Punjab Post Daily Online Newspaper & Print Media
ਦਿਨ ਭਾਗਾਂ ਵਾਲਾ ਅੱਜ ਆਇਆ,
ਸੁੰਦਰ ਮੁੰਦਰੀਏ ਵਾਲਾ ਗੀਤ ਹੈ ਗਾਇਆ।
ਗਲੀ ਗਲੀ `ਚ ਮੰਗਣ ਇਹ ਦੁਵਾਵਾਂ,
ਮੁਟਿਆਰਾਂ ਨੱਚ ਕੇ ਜ਼ਸ਼ਨ ਮਨਾਇਆ।
ਨਿੱਕੇ ਬਾਲਾਂ ਦੀ ਆਮਦ `ਤੇ ਖੁੱਸ਼ ਹੋ ਕੇ।
ਵਿਹੜਿਆਂ `ਚ ਭੁੱਗਾ ਹੈ ਲਾਇਆ।
ਸਾਂਝੀਆਂ ਕੀਤੀਆਂ ਖੁੱਸ਼ੀਆਂ ਸਭ ਮਿਲ ਕੇ,
ਪ੍ਰਮਾਤਮਾ ਦਾ ਰੱਜ ਰੱਜ ਸ਼ੁ਼਼ਕਰ ਮਨਾਇਆ।
ਭੇੈਣਾਂ ਵੀਰਾਂ ਲਈ ਸਦਾਂ ਹੀ ਮੰਗਣ ਦਵਾਵਾਂ,
ਵੀਰਾਂ ਵੀ ਆਪਣਾ ਫ਼਼ਰਜ ਖੂਬ ਨਿਭਾਇਆ।
ਸਤਿਗੁਰਾਂ ਸਤਿਕਾਰ ਬਖਸਿ਼ਆ ਔਰਤ ਨੂੰ,
ਕੁੱਖਾਂ ’ਚ ਜਾਵੇ ਨਾ ਧੀਆਂ ਨੂੰ ਮਾਰ ਮਕਾਇਆ।
ਧੀਆਂ ਬਿਨਾਂ ਨਾ ਲੱਗਣੇ ਮੇਲੇ ਜੱੱੱਗ ਉੱਤੇ,
ਸ਼ਾਨ ਵਾਲਾ ਇਹ ਬੂਟਾ ਕਿਤੇ ਜਾਵੇ ਨਾ ਕਮਲਾਇਆ।
ਦੁੱਖ ਸੁੱਖ ਵਿੱਚ ਸਦਾ ਹੀ ਸਹਾਈ ਹੋਵਣ,
‘ਫ਼ਕੀਰਾ’ ਜਾਵੇ ਇਨ੍ਹਾਂ ਨੂੰ ਵੀ ਪੜਾਇਆ।
ਨਵ ਜੰਮੀਆਂ ਬਾਲੜੀਆਂ ਦੀ ਵੀ ਬਾਲੀ ਜਾਵੇ ਲੋਹੜੀ,
ਇਨ੍ਹਾਂ ਦੀ ਕਿਲਕਾਰੀ ਨਾਲ ਘਰ ਜਾਵੇ ਰੁਸ਼਼ਨਾਇਆ।
ਵਿਨੋਦ ਫ਼ਕੀਰਾ,ਸਟੇਟ ਐਵਾਰਡੀ,
ਆਰੀਆ ਨਗਰ, ਕਰਤਾਰਪੁਰ,
ਜਲੰਧਰ।
ਮੋ- 98721 97326
