ਪੰਜਵੀ ਏਕਲ ਗਾਇਨ ਪ੍ਰਤੀਯੋਗਤਾ ‘ਚ 45 ਬੱਚਿਆਂ ਨੇ ਭਾਗ ਲਿਆ

ਬਠਿੰਡਾ, 9  ਅਗਸਤ (ਜਸਵਿੰਦਰ ਸਿੰਘ ਜੱਸੀ) – ਸਥਾਨਕ ਸਤਪਾਲ ਅਜ਼ਾਦ ਮੈਮੋਰੀਅਲ ਪਬਲਿਕ ਲਾਇਬਰੇਰੀ (ਰਜਿ:) ਵੱਲੋਂ ਸਤਪਾਲ ਅਜ਼ਾਦ ਨੂੰ ਸਮਰਪਿਤ ਸਕੂਲ ਦੇ ਵਿਦਿਆਰਥੀਆਂ ਦੀ ਪੰਜਵੀ ਏਕਲ ਗਾਇਨ ਪ੍ਰਤੀਯੋਗਤਾ ਸਵੇਰੇ ਲਾਇਬਰੇਰੀ  ਵਿਖੇ ਕਰਵਾਈ ਗਈ ।ਪ੍ਰਤੀਯੋਗਤਾ ਦਾ ਉਦਘਾਟਨ ਜਸਵੀਰ ਬਰਾੜ ਚੇਅਰਮੈਨ ਕੋਅਪਰੈਟਿਵ ਬੈਂਕ ਅਤੇ ਉੱਘੇ ਸਮਾਜ ਸੇਵੀ ਦਰਸ਼ਨ ਵਾਲੀਆ ਵਲੋਂ ਕੀਤਾ ਗਿਆ। ਇਸ ਪ੍ਰਤੀਯੋਗਤਾ ਵਿਚ ਸ਼ਹਿਰ ਦੇ ਵੱਖ-ਵੱਖ ਸਕੂਲਾਂ ਦੇ 45 ਤੋ ਵੱਧ ਵਿਦਿਆਰਥੀਆਂ ਨੇ ਭਾਗ ਲਿਆ।ਜਨਰਲ ਸਕੱਤਰ ਕੁਲਦੀਪ ਧੀਂਗੜਾ ਨੇ ਮੰਚ ਸੰਚਾਲਣ ਦੀ ਭੂਮਿਕਾ ਨਿਭਾਈ।ਪ੍ਰਧਾਨ ਡਾ ਐਚ ਐਸ  ਧਾਲੀਵਾਲ ਵਲੋਂ ਆਏ ਹੋਏ ਮਹਿਮਾਨਾਂ ਦਾ ਸਵਾਗਤ ਕਰਦਿਆਂ ਜੇਤੂ ਵਿਦਿਆਰਥੀਆਂ ਨੂੰ ਸਨਮਾਨ ਚਿੰਨ੍ਹਾਂ ਦੇ ਨਾਲ ਨਕਦ ਇਨਾਮ ਵੀ ਦਿਤੇ ਗਏ।ਸੀਨੀਅਰ ਗਰੁੱਪ ਵਿਚ ਆਰੀਆ ਮਾਡਲ ਸਕੂਲ ਦਾ ਵਿਦਿਆਰਥੀ ਗੁਰਪ੍ਰੀਤ ਅਤੇ ਜੂਨੀਅਰ ਗਰੁੱਪ ਵਿਚ ਸਰੂਤੀ ਦੀਕੀਸ਼ਤ ਨੂੰ ਪਹਿਲਾ ਸਥਾਨ ਪ੍ਰਾਪਤ ਕੀਤਾ।ਇਸ ਮੌਕੇ ‘ਤੇ ਹੋਰਨਾਂ ਤੋ ਇਲਾਵਾ ਪੀ ਡੀ ਗੋਇਲ, ਐਚ ਐਸ ਮੋਖਾ, ਸ੍ਰੀਮਤੀ ਸਾਂਤੀ ਜਿੰਦਲ, ਪਰਵੀਨ ਗਰਗ, ਪਰਮਿੰਦਰ, ਅਰਵਿੰਦ ਮਹਿਤਾ, ਪ੍ਰਫੂਲ ਜੈਨ, ਜਗਦੀਪ ਧੀਂਗੜਾ, ਮਦਨ ਲਾਲ ਮੋਂਗਾ, ਪਵਨ ਤਾਇਲ, ਆਦਿ ਹਾਜ਼ਰ ਸਨ ।