ਸੜਕ ਸੁਰੱਖਿਆ ਜੀਵਨ ਹਫ਼ਤੇ ਦਾ ਵਿਧਾਇਕ ਗੋਲਡੀ ਤੇ ਡੀ.ਐਸ.ਪੀ ਔਲਖ ਨੇ ਕੀਤਾ ਉਦਘਾਟਨ

ਧੂਰੀ, 24 ਅਪ੍ਰੈਲ (ਪੰਜਾਬ ਪੋਸਟ- ਪਰਵੀਨ ਗਰਗ) – ਟ੍ਰੈਫਿਕ ਪੁਲਿਸ ਵਲੋਂ ਸੜਕ ਸੁਰੱਖਿਆ ਜੀਵਨ ਰਖਿਆ ਹਫ਼ਤਾ ਟ੍ਰੈਫਿਕ ਇੰਚਾਰਜ ਪਵਨ ਕੁਮਾਰ ਸ਼ਰਮਾ ਦੀ ਅਗਵਾਈ ਹੇਠ 23 ਤੋਂ 29 ਅਪ੍ਰੈਲ ਤੱਕ ਮਨਾਇਆ ਜਾ ਰਿਹਾ ਹੈ।ਜਿਸ ਦੇ ਪਹਿਲੇ ਦਿਨ ਦਾ ਉਦਘਾਟਨ ਕੱਕੜਵਾਲ ਚੌਕ ਵਿਖੇ ਹਲਕਾ ਵਿਧਾਇਕ ਦਲਵੀਰ ਸਿੰਘ ਗੋਲਡੀ ਅਤੇ ਡੀ.ਐਸ.ਪੀ ਅਕਾਸ਼ਦੀਪ ਸਿੰਘ ਔਲਖ ਨੇ ਕੀਤਾ।ਉਨਾਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਦੱਸਿਆ ਕਿ ਸੜਕ ਹਾਦਸਿਆਂ ਪ੍ਰਤੀ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਸੜਕ ਸੁਰੱਖਿਆ ਜੀਵਨ ਰੱਖਿਆ ਹਫ਼ਤਾ ਮਨਾੁੳਣਾ ਇਕ ਵਧੀਆ ਊਪਰਾਲਾ ਹੈ।ਜਿਸ ਤਹਿਤ ਟ੍ਰੈਫਿਕ ਪੁਲਿਸ ਵਲੋਂ ਸੜਕ ਤੋ ਲੰਘਣ ਵਾਲੇ ਵਹੀਕਲਾਂ `ਤੇ ਸਟਿੱਕਰ ਲਗਾਏ ਜਾ ਰਹੇ ਹਨ ਜੋ ਕਿ ਹਨੇਰੇ ਵਿਚ ਲਾਈਟ ਪੈਣ `ਤੇ ਚਮਕ ਕਾਰਨ ਸੜਕੀ ਹਾਦਸਾ ਰੋਕਣ ਵਿਚ ਇਹ ਸਹਾਈ ਹੋਣਗੇ।ਟ ਵਹੀਕਲ ਚਾਲਕਾਂ ਨੂੰ ਸਾਈਨ ਬੋਰਡ ਅਤੇ ਹੋਰ ਵੱਖ-ਵੱਖ ਨਿਯਮਾਂ ਬਾਰੇ ਜਾਣਕਾਰੀ ਦਿਤੀ ਜਾ ਰਹੀ ਹੈ।ਉਨ੍ਹਾਂ ਕਿਹਾ ਕਿ ਵਹੀਕਲ ਚਾਲਕਾਂ ਨੂੰ ਹੌਲੀ ਰਫ਼ਤਾਰ ਨਾਲ ਵਾਹਨ ਚਲਾਉਣੇ ਚਾਹੀਦੇ ਹਨ ਤਾਂ ਕਿ ਕਿਸੇ ਤੇਜ਼ ਰਫ਼ਤਾਰ ਵਹੀਕਲ ਨਾਲ ਕੋਈ ਹਾਦਸਾ ਨਾਲ ਵਾਪਰੇ।  ਇਸ ਮੌਕੇ ਟਰੈਫ਼ਿਕ ਇੰਚਾਰਜ ਪਵਨ ਕੁਮਾਰ,ਹੌਲਦਾਰ ਮਿੱਠੂ ਸਿੰਘ, ਹੌਲਦਾਰ ਕੇਵਲ ਸਿੰਘ, ਟਰਾਂਸਪੋਰਟਰ ਜਗਜੀਤ ਰਾਏ, ਜਗਤਾਰ ਸਿੰਘ ਤਾਰਾ ਬੇਨੜਾ, ਰਵਿੰਦਰ ਪਾਲ ਸਿੰਘ, ਰਾਮ ਸਿੰਘ, ਮੁਨੀਸ਼ ਗਰਗ ਚੇਅਰਮੈਨ ਆਸ਼ੀਰਵਾਦ ਫਾਊਂਡੇਸ਼ਨ ਅਤੇ ਇੰਦਰਜੀਤ ਸਿੰਘ ਮਰਾਹੜ ਆਦਿ ਹਾਜ਼ਰ ਸਨ।