ਮਾਮੂਲੀ ਮੀਂਹ ਨੇ ਸਰਕਾਰ ਵੱਲੋ ਕੀਤੇ ਵਿਕਾਸ ਦੇ ਦਾਅਵਿਆਂ ਦੀ ਖੋਲ੍ਹੀ ਪੋਲ

ਪੱਟੀ, 29 ਜੂਨ (ਪੰਜਾਬ ਪੋਸਟ- ਅਵਤਾਰ ਸਿੰਘ ਢਿੱਲੋ) – ਅੱਤ ਦੀ ਪੈ ਰਹੀ ਗਰਮੀ `ਚ ਮੀਂਹ ਪੈਣ ਨਾਲ ਜਿਥੇ ਲੋਕਾਂ ਨੂੰ ਕੁੱਝ ਰਾਹਤ ਮਿਲੀ, ਉਥੇ ਥੋੜਾ ਜਿਹਾ ਮੀਂਹ ਪੈਣ ਨਾਲ ਹੀ ਪੱਟੀ ਦੀਆਂ ਸੜਕਾਂ ਵਲੋਂ ਪਾਣੀ ਦੇ ਟੋਬੇ ਦਾ ਰੂਪ ਧਾਰਣ `ਤੇ ਲੋਕਾਂ `ਚ ਸਰਕਾਰ ਦੇ ਪ੍ਰਤੀ ਨਾਰਾਜ਼ਗੀ ਵੀ ਦੇਖਣ ਨੂੰ ਮਿਲੀ।ਸੜਕਾਂ `ਤੇ ਖੜੇ ਪਾਣੀ ਕਰ ਕੇ ਸ਼ਹਿਰ ਵਾਸੀਆਂ ਅਤੇ ਰਾਹਗੀਰਾਂ ਨੂੰ ਆਉਣ-ਜਾਣ `ਚ ਭਾਰੀ ਦਿੱਕਤ ਪੇਸ਼ ਆਈ।ਸ਼ਹਿਰ ਦੇ ਬੱਸ ਸਟੈਂਡ, ਗਾਂਧੀ ਸੱਥ, ਕਚਿਹਰੀ ਰੋਡ, ਮੇਨ ਬਜ਼ਾਰ ਅਤੇ ਸ਼ਹਿਰ ਦੇ ਕਈ ਹੋਰ ਥਾਵਾਂ `ਤੇ ਕਈ ਘੰਟੇ ਪਾਣੀ ਸੜਕਾਂ `ਤੇ ਖੜਾ ਰਿਹਾ।ਲੋਕਾਂ ਦਾ ਕਹਿਣਾ ਹੈ ਕਿ ਮਾਮੂਲੀ  ਮੀਂਹ ਨੇ ਸਰਕਾਰ ਵੱਲਂੋ ਕੀਤੇ ਵਿਕਾਸ ਕੰਮਾਂ ਦੇ ਦਾਅਵਿਆਂ ਦੀ ਪੋਲ ਖੋਲ੍ਹ ਕੇ ਰੱਖ ਦਿੱਤੀ ਹੈ, ਅੱਗੇ ਦੇਖੋ ਕੀ  ਹੁੰਦਾ ਹੈ।