ਗੁੰਮਸ਼ੁਦਾ ਲੜਕੀ ਦੀ ਤਲਾਸ਼

ਅੰਮਿ੍ਤਸਰ, 9 ਅਕਤੂਬਰ (ਪੰਜਾਬ ਪੋਸਟ ਬਿਊਰੋ) – ਮੁੱਖ ਅਫ਼ਸਰ ਥਾਣਾ ਮੋਹਕਮਪੁਰਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਹੈ ਕਿ ਇਕ ਲੜਕੀ ਪਿੰਕੀ ਉਰਫ ਪਿੰਜੀ ਜਿਸ ਦੀ ਉਮਰ ਕਰੀਬ 15 ਸਾਲ, ਕੱਦ 5 ਫੁੱਟ, ਰੰਗ ਕਣਕਵੰਨਾ, ਚਿਹਰਾ ਗੋਲ, ਸੱਜੇ ਹੱਥ `ਤੇ 786 ਲਿਖਿਆ ਹੋਇਆ ਹੈ ਅਤੇ ਇਸ ਨੇ ਚਿੱਟੀ ਮੈਲੀ ਟੀ-ਸ਼ਰਟ ਅਤੇ ਨੀਲੀ ਪਜਾਮੀ ਪਾਈ ਹੋਈ ਹੈ।ਉਨ੍ਹਾਂ ਦੱਸਿਆ ਕਿ ਪਿੰਕੀ ਉਰਫ ਪਿੰਜੀ ਪੁੱਤਰੀ ਪਿੰਨੂ ਵਾਸੀ ਗਲੀ ਜੱਟਾਂ ਵਾਲੀ, ਲੰਬੀ ਗਲੀ ਤੁੰਗਪਾਈ ਬਟਾਲਾ ਰੋਡ ਅੰਮ੍ਰਿਤਸਰ ਤੋਂ ਮਿਤੀ 2 ਅਕਤੂਬਰ ਤੋਂ ਘਰੋਂ ਲਾਪਤਾ ਹੋ ਗਈ ਹੈ।ਇਸ ਦੇ ਸਬੰਧ ਵਿੱਚ ਮੁਕਦਮਾ ਨੰ: 49 ਮਿਤੀ 4 ਅਕਤੂਬਰ ਅੰਡਰ ਸੈਕਸ਼ਨ 363/366 ਏ ਆਈ.ਪੀ.ਸੀ ਥਾਣਾ ਵਿਖੇ ਮੁਕਦਮਾ ਦਰਜ਼ ਕੀਤਾ ਗਿਆ ਹੈ।ਮੁੱਖ ਅਫ਼ਸਰ ਨੇ ਕਿਹਾ ਹੈ ਕਿ ਜੇਕਰ ਕੋਈ ਸੂਚਨਾ ਇਸ ਲੜਕੀ ਬਾਰੇ ਪ੍ਰਾਪਤ ਹੁੰਦੀ ਹੈ ਤਾਂ 9781130216 ਤੇ ਅਤੇ ਫੋਨ ਨੰ: 9815837545 ਏ.ਐਸ.ਆਈ ਗੁਰਚਰਨ ਸਿੰਘ ਨੂੰ ਦਿੱਤੀ ਜਾ ਸਕਦੀ ਹੈ।