ਜਮਾਨੇ ਪੁਰਾਣੇ

ਕਿਥੇ ਗਈਆਂ ਸੱਥਾਂ ਕਿੱਥੇ ਗਏ ਅਖਾੜੇ ਨੇ
ਮੁਹੱਬਤਾਂ ਦੇ ਵਿੱਚ ਪੈ ਗਏ ਪੁਆੜੇ ਨੇ
ਰਲ਼ ਬਹਿਣ ਨਾ ਹੁਣ ਲੋਕ ਸਿਆਣੇ..
ਮਾਰ ਕੇ ਉਡਾਰੀ ਉੱਡ ਗਏ, ਉੱਡ ਗਏ ਜ਼ਮਾਨੇ ਪੁਰਾਣੇ……

ਬੋਹੜ ਪਿੱਪਲ ਛਾਂ ਵਾਲੇ ਗਏ ਹੁਣ ਵਿੱਕ ਨੇ

ਖੂਹ ਹੁਣ ਕਰਦੇ ਨਾ ਹੀ ਟਿੱਕ ਟਿੱਕ ਨੇ
ਬੜੇ ਔਖੇ ਨੇ ਦਿਨ ਉਹ ਭਲਾਣੇ..
ਮਾਰ ਕੇ ਉਡਾਰੀ ਉੱੱਡ ਗਏ, ਉੱਡ ਗਏ ਜ਼ਮਾਨੇ ਪੁਰਾਣੇ….

ਨਾ ਰਿਹਾ ਲਹਿੰਗਾ ਨਾ ਹੀ ਰਿਹਾ ਹੁਣ ਘੱਗਰਾ
ਰਿਹਾ ਨਾ ਹੀ ਜੱਟੀ ਉਤੇ ਰੂਪ ਹੁਣ ਸੱਜਰਾ
ਹੋ ਗਏ ਖਤਮ ਜੋ ਸੀ ਉੱਚੇ ਘਰਾਣੇ..
ਮਾਰ ਕੇ ਉਡਾਰੀ ਉੱਡ ਗਏ, ਉਡ ਗਏ ਜ਼ਮਾਨੇ ਪੁਰਾਣੇ…

ਜੱਟ ਨਹੀਂ ਜਾਂਦਾ ਮੇਲੇ ਵਿੱਚ ਬੰਨ ਟੋਲੀਆਂ
ਭੰਗੜਾ ਨਾ ਪੈਦਾਂ ਨਾ ਹੀ ਪੈਣ ਉਥੇ ਬੋਲੀਆਂ
ਇਥੇ ਚੱਲ ਪਏ ਨਵੇਂ ਹੀ ਬਾਣੇ..
ਮਾਰ ਕੇ ਉਡਾਰੀ ਉੱਡ ਗਏ, ਉੱਡ ਗਏ ਜ਼ਮਾਨੇ ਪੁਰਾਣੇ…..

ਮੀਂਹ ਚਾਹੇ ਪੈਦਾਂ ਹੈ ਲੱਖ ਹੁਣ ਸਾਉਣ ਨੂੰ
ਤਰਸਦਾ ਪਿੱਪਲ ਵੀ ਹੈ ਪੀਘਾਂ ਪਾਉਣ ਨੂੰ
ਕਈ ਵਰਤ ਗਏ ਨਵੇਂ ਹੀ ਭਾਣੇ..
ਮਾਰ ਕੇ ਉਡਾਰੀ ਉੱਡ ਗਏ, ਉੱਡ ਗਏ ਜ਼ਮਾਨੇ ਪੁਰਾਣੇ….

ਰਿਸ਼ਤਿਆਂ ਨਾਤਿਆਂ ਚ ਪੈ ਗਈ ਵੰਡ ਹੈ
ਪੈਸੇ ਵਾਲੀ ਭਾਰੀ ਹੋਈ ਹੁਣ ਇਥੇ ਪੰਡ ਹੈ
ਮੌਜਾਂ ਬੱਬੀ ਵਾਂਗ ਕੋਈ ਕੋਈ ਮਾਣੇ..
ਮਾਰ ਕੇ ਉਡਾਰੀ ਉੱਡ ਗਏ, ਉੱਡ ਗਏ ਜ਼ਮਾਨੇ ਪੁਰਾਣੇ…..

 

 

 

 

 

 
ਬਲਬੀਰ ਸਿੰਘ ਬੱਬੀ
ਪਿੰਡ  ਤੱਖਰਾਂ (ਲੁਧਿਆਣਾ)
ਮੋ- 7009107300