ਕ੍ਰਾਂਤੀ

ਜਿਸ ਤਰ੍ਹਾਂ ਜਵਾਲਾਮੁਖੀ ,
ਦੇ ਫਟਣ ਲਈ,
ਉਚ ਦਬਾਅ ਹੈ ਜਰੂਰੀ,
ਉਸ ਤੋਂ ਵੀ ਵੱਧ ਜਰੂਰੀ ਹੈ,
ਲਾਵੇ ਦਾ ਹੋਣਾ।
ਜਿਦਾਂ, ਧੁੱਪ ਦੀ ਹੋਂਦ ਲਈ,
ਜਰੂਰੀ ਹੈ ਸੂਰਜ,
ਅਤੇ ਸੂਰਜ ਦੇ ਲਈ, ਜਰੂਰੀ ਹੈ ਅੱਗ।

ਉਸੇ ਤਰ੍ਹਾਂ ਲਾਜ਼ਮੀ ਹੈ
ਇੱਕ ਚੰਗਿਆੜੀ,
ਇਨਕਲਾਬ ਦੀ ਕ੍ਰਾਂਤੀ ਦੀ, ਚੰਗੇ ਵਿਚਾਰਾਂ ਦੇ ਫਟਣ ਲਈ ।
ਫਿਰ ਇੰਨ੍ਹਾਂ ਵਿਚੋਂ ਫਟਣਗੇ,
ਹਜ਼ਾਰਾਂ ਹੀ ਚਸ਼ਮੇ,
ਜੋ ਰੋੜ੍ਹ ਕੇ ਲੈ ਜਾਣਗੇ,
ਉਨ੍ਹਾਂ ਅਸ਼ੁੱਧ ਧਾਤਾਂ ਨੂੰ,
ਜਿਨ੍ਹਾਂ ਨੇ ਕੀਤਾ ਹੈ ,
ਕਾਇਨਾਤ ਨੂੰ ਗੰਧਲਾ,
ਸਮਾਜ ਨੂੰ ਕੈਦ ਅਤੇ ਚੰਗਿਆਈ ਤੋਂ ਅਨਾਥ।

ਇੰਦਰਜੀਤ ਸਿੰਘ “ਅਖਾੜਾ”
ਪਿੰਡ ਤੇ ਡਾਕਖਾਨਾ ਅਖਾੜਾ
ਜਿਲ੍ਹਾ- ਲੁਧਿਆਣਾ
ਮੋਬਾਈਲ:- 96466 47728