ਗੰਦੇ ਪਾਣੀ ਤੇ ਚਿੱਕੜ ਨਾਲ ਭਰੀਆਂ ਟੁੱਟੀਆਂ ਗਲੀਆਂ ਤੋਂ ਤੰਗ ਤੇ ਪ੍ਰੇਸ਼ਾਨ ਹਨ ਨਗਰ ਵਾਸੀ

ਜੰਡਿਆਲਾ ਗੁਰੂ, 7 ਸਤੰਬਰ (ਪੰਜਾਬ ਪੋਸਟ -ਹਰਿੰਦਰ ਪਾਲ ਸਿੰਘ) – ਇੱਕ ਪਾਸੇ ਹਾਕਮ ਧਿਰ ਸਰਕਾਰ ਵਿਕਾਸ ਦੇ ਦਾਅਵਿਆਂ ਦਾ ਢੰਡੋਰਾ ਪਿੱਟ ਰਹੀ ਹੈ, ਦੂਸਰੇ ਪਾਸੇ ਸ਼ਹਿਰ ਵਾਸੀ ਗੰਦੇ ਪਾਣੀ ਤੇ ਚਿੱਕੜ ਨਾਲ ਭਰੀਆਂ ਟੁੱਟੀਆਂ ਗਲੀਆਂ ਤੋਂ ਡਾਢੈ ਤੰਗ ਤੇ ਪ੍ਰੇਸ਼ਾਨ ਹਨ।ਇਹ ਵੀ ਚਰਚਾ ਹੈ ਕਿ ਸ਼ਹਿਰ ਨੂੰ ਰੁਸ਼ਨਾਉਣ ਲਈ 50 ਐਲ.ਡੀ ਲਾਈਟਾਂ ਆਈਆਂ ਸਨ, ਪਰ ਇਹਨਾਂ ਵਿਚੋਂ 3 ਦਰਜਨ ਦੇ ਕਰੀਬ ਲਾਈਟਾਂ ਇਕ ਹੀ ਵਾਰਡ ਵਿੱਚ ਲੱਗੀਆਂ ਹਨ ਅਤੇ ਬਾਕੀ 14 ਵਾਰਡਾਂ ਦੇ ਹਿੱਸੇ ਇੱਕ ਇਕ ਲਾਈਟ ਆਈ ਹੈ।ਇਸ ਸਬੰਧੀ ਜਦ ਐਸ.ਓ ਨਗਰ ਕੌਂਸਲ ਗਗਨਜੀਤ ਸਿੰਘ ਨਾਲ ਗੱਲ ਕੀਤੀ ਤਾਂ ਉਹਨਾਂ ਦੱਸਿਆ ਕਿ ਜਿਥੇ ਜਿਥੇ ਜਰੂਰਤ ਸੀ, ਲਾਈਟਾਂ ਉਥੇ ਹੀ ਲੱਗੀਆਂ ਹਨ।