ਦੇਸ਼ ਪਰਾਏ

ਹੱਸਦਾ ਰਹੇ ਉਹ ਵੇਹੜਾ ਜਿਥੇ ਬਚਪਨ ਵਿੱਚ
ਖੇਡਾ ਖੇਡੀ ਲੁੱਟੀਆਂ ਮੌਜ ਬਹਾਰਾਂ
ਸਦਾ ਮਹਿਕਾਂ ਵੰਡਦਾ ਰਹੇ ਮੇਰੇ ਬਾਬੁਲ ਦਾ ਵੇਹੜਾ
ਖਿੜਦੀਆਂ ਰਹਿਣ ਗੁਲਜ਼ਾਰਾਂ
ਬੜੀਆਂ ਨੇ ਖੇਡਾਂ ਜੱਗ ‘ਤੇ, ਪਰ ਇਹ ਖੇਡ ਅਵੱਲੀ ਨੀ।
ਨੀ ਮਾਏ ਤੇਰੀ ਲਾਡੋ ਅੱਜ ਹੋ ਪ੍ਰਦੇਸਣ
ਕਿਸੇ ਦੇਸ਼ ਪਰਾਏ ਚੱਲੀ ਨੀ………

ਮਾਫ ਕਰ ਦਿਓ ਵੀਰੋ ਕਹੀ ਸੁਣੀ ਕੋਈ ਮੇਰੀ
ਸਦਾ ਭੈਣਾਂ ਦੇ ਮੂਹੋਂ ਨਿਕਲਣ ਦੁਆਵਾ
ਥੋਡੀ ਹੋਵੇ ਉਮਰ ਲੰਮੇਰੀ
ਕਿਓਂ ਰੋ ਰੋ ਹੋ ਗਈ ਏ, ਭਾਬੋ ਤੂੰ ਝੱਲੀ ਨੀ।
ਨੀ ਮਾਏ ਤੇਰੀ ਲਾਡੋ ਅੱਜ ਹੋ ਪ੍ਰਦੇਸਣ
ਕਿਸੇ ਦੇਸ਼ ਪਰਾਏ ਚੱਲੀ ਨੀ………

ਵੇ ਬਾਬੁਲ ਕਹਿੰਦੇ ਨੇ ਧੀਆਂ ਅਤੇ ਚਿੜੀਆਂ ਨੇ
ਕਿਧਰੇ ਦੂਰ ਦੁਰਾਡੇ ਉੱਡ ਜਾਣਾ ਏ ਇਹ ਚਿੜੀਆ ਦਾ ਚੰਬਾ
ਕੁੜੀਆਂ ਚਿੜੀਆਂ ਨੂੰ ਆਖਰ ਦੇਸ਼ ਪਰਾਏ ਜਾਣਾ ਪੈਂਦਾ
ਰੋ ਨਾ ਨੀ ਛੋਟੀਏ ਭੈਣੇ, ਦੇ ਦਿਲ ਨੂੰ ਤਸੱਲੀ ਨੀ।
ਨੀ ਮਾਏ ਤੇਰੀ ਲਾਡੋ ਅੱਜ ਹੋ ਪ੍ਰਦੇਸਣ
ਕਿਸੇ ਦੇਸ਼ ਪਰਾਏ ਚੱਲੀ ਨੀ………

ਬਲਤੇਜ ਸੰਧੂ
ਬੁਰਜ਼ ਲੱਧਾ, ਬਠਿੰਡਾ।
ਮੋ – 94658 18158