ਸੀਨੀਅਰ ਪੱਤਰਕਾਰ ਨਾਲ ਚੰਡੀਗੜ੍ਹ ਪੁਲਿਸ ਵਲੋਂ ਮੁਜ਼ਰਮਾਨਾ ਵਿਵਹਾਰ ਦੀ ਸਖਤ ਨਿਖੇਧੀ

ਲੌਂਗੋਵਾਲ, 20 ਅਪ੍ਰੈਲ (ਪੰਜਾਬ ਪੋਸਟ – ਜਗਸੀਰ ਲੌਂਗੋਵਾਲ) – ਕ੍ਰਾਂਤੀਕਾਰੀ ਪੇਂਡੂ ਮਜ਼ਦੂਰ ਯੂਨੀਅਨ ਨੇ ਸੀਨੀਅਰ ਪੱਤਰਕਾਰ ਦੇਵਿੰਦਰਪਾਲ ਨੂੰ ਚੰਡੀਗੜ੍ਹ ਪੁਲਿਸ ਦੇ ਇੱਕ ਥਾਣੇਦਾਰ ਵਲੋਂ ਰਾਹ ਵਿੱਚ ਰੋਕ ਕੇ ਥਾਣੇ ਲਿਜਾ ਕੇ ਬਦਸਲੂਕੀ ਕਰਨ ਅਤੇ ਮੁਜ਼ਰਮਾਂ ਵਾਂਗ ਵਿਵਹਾਰ ਕਰਨ ਦੀ ਨਿਖੇਧੀ ਕੀਤੀ ਹੈ।
                ਅੱਜ ਜਾਰੀ ਬਿਆਨ ਵਿੱਚ ਕ੍ਰਾਂਤੀਕਾਰੀ ਪੇਂਡੂ ਮਜ਼ਦੂਰ ਯੂਨੀਅਨ ਦੇ ਸੂਬਾ ਪ੍ਰਧਾਨ ਸੰਜੀਵ ਮਿੰਟੂ ਤੇ ਸੂਬਾ ਸਕੱਤਰ ਲਖਵੀਰ ਸਿੰਘ ਲੌਂਗੋਵਾਲ ਨੇ ਕਿਹਾ ਹੈ ਕਿ ਸੀਨੀਅਰ ਪੱਤਰਕਾਰ ਨੇ ਗਲ ਵਿੱਚ ਪਾਏ ਪਹਿਚਾਣ ਦਿਖਾਉਣ ਅਤੇ ਟ੍ਰਿਬਿਊਨ ਦਫਤਰ ਡਿਊਟੀ ‘ਤੇ ਜਾਣ ਦਾ ਹਵਾਲਾ ਦੇਣ ਦੇ ਬਾਵਜ਼ੂਦ ਥਾਣੇਦਾਰ ਨੇ ਕੋਈ ਦਲੀਲ ਨਹੀਂ ਸੁਣੀ। ਕ੍ਰਾਂਤੀਕਾਰੀ ਆਗੂਆਂ ਨੇ ਉਘੇ ਪੱਤਰਕਾਰ ਨਾਲ ਬਦਸਲੂਕੀ ਕਰਨ, ਗਾਲਾਂ ਕੱਢਣ ਅਤੇ ਮਜ਼ਰਮਾਨਾ ਵਿਵਹਾਰ ਕਰਨ ਵਾਲੇ ਥਾਣੇਦਾਰ ਖਿਲਾਫ਼ ਸਖਤ ਕਾਰਵਾਈ ਦੀ ਮੰਗ ਕਰਦੇ ਹੋਏ ਉਸ ਨੂੰ ਤਰੁੰਤ ਬਰਖਾਸਤ ਕਰਨ ਦੀ ਮੰਗ ਕੀਤੀ ਹੈ।