Punjab Post Daily Online Newspaper & Print Media
ਕਰੋਨਾ ਵੀ ਨਾ ਅੱਗੇ ਅੜਨਾ
ਜੰਗਾਂ ਜਿੱਤੀਆਂ ਪੰਜਾਬੀਆਂ ਬਥੇਰੀਆਂ,
ਪੰਜਾਬੀਆਂ ਦੇ ਦਿਲ, ਬੜੇ ਹੁੰਦੇ ਪੱਕੇ ਨੇ
ਕਰੋਨਾ ਦੀ ਬੀਮਾਰੀ ਨੂੰ ਵੀ, ਮਾਰੇ ਧੱਕੇ ਨੇ
ਇਹੋ ਜਿਹੀਆਂ ਆਫ਼ਤਾਂ ਨੇ ਕਿਹੜੀਆਂ
ਕਰੋਨਾ ਵੀ ਨਾ ਅੱਗੇ ਅੜਨਾ
ਜੰਗਾਂ ਜਿੱਤੀਆਂ ਪੰਜਾਬੀਆਂ ਬਥੇਰੀਆਂ।
ਪੁਲੀਸ ਨੇ ਸਾਥ ਦਿੱਤਾ, ਸਾਰੇ ਪੰਜਾਬ ਦਾ
ਸਿਹਤ ਵਿਭਾਗ ਕੰਮ, ਕੀਤਾ ਬੇਹਿਸਾਬ ਦਾ
ਹੋ ਗਏ ਸ਼ਹੀਦ ਜਿਨ੍ਹਾਂ ਕੀਤੀਆਂ ਦਲੇਰੀਆਂ
ਕਰੋਨਾ ਵੀ ਨਾ ਅੱਗੇ ਅੜਨਾ
ਜੰਗਾਂ ਜਿੱਤੀਆਂ ਪੰਜਾਬੀਆਂ ਬਥੇਰੀਆਂ।
ਲਾਕਡੌਨ, ਮਾਸਕ ਦਾ ਬੜਾ ਹੀ ਕਮਾਲ ਹੈ
ਸੈਨੀਟਾਈਜ਼ ਨਾਲ ਤਾਂ, ਰੱਬ ਵੀ ਦਿਆਲ ਹੈ
ਛੱਡ ਦਿੱਤੇ ਨਸ਼ੇ ਹੁਣ, ਕਈਆਂ ਹੀ ਨਸ਼ੇੜੀਆਂ
ਕਰੋਨਾ ਵੀ ਨਾ ਅੱਗੇ ਅੜਨਾ
ਜੰਗਾਂ ਜਿੱਤੀਆਂ ਪੰਜਾਬੀਆਂ ਬਥੇਰੀਆਂ।
ਲੋਕਾਂ ਦਾ ਸਾਥ ਹੋਵੇ, ਤਾਂ ਹੀ ਜਿੱਤ ਹੁੰਦੀ ਏ
‘ਸੁਹਲ’ ਸਰਕਾਰ ਉਹੀ, ਮਨ-ਚਿੱਤ ਹੁੁੰਦੀ ਏ
ਕਰੋਨਾ ਬੀਮਾਰੀ ਦੀਆਂ, ਵੱਖੀਆਂ ਉਧੇੜੀਆਂ
ਕਰੋਨਾ ਤਾਹੀਉਂ, ਅੱਗੇ ਭੱਜਿਆ
ਜੰਗਾਂ ਜਿੱਤੀਆਂ ਪੰਜਾਬੀਆਂ ਬਥੇਰੀਆਂ।
ਮਲਕੀਅਤ ‘ਸੁਹਲ’
ਗੁਰਦਾਸਪੁਰ।
ਮੋ – 98728 48610
