ਨਵੀ ਸਿੱਖਿਆ ਨੀਤੀ ਦਾ ਕੀਤਾ ਸਵਾਗਤ – ਚੇਅਰਮੈਨ ਅਮਿਤ ਸ਼ਰਮਾ

ਜੰਡਿਆਲਾ ਗੁਰੂ, 8 ਅਗਸਤ (ਹਰਿੰਦਰਪਾਲ ਸਿੰਘ) – ਐਡਵੋਕੇਟ ਅਮਿਤ ਸ਼ਰਮਾ ਚੇਅਰਮੈਨ ਅੰਮ੍ਰਿਤਸਰ ਗਰੁੱਪ ਆਫ ਕਾਲਜਿਜ਼ ਅੰਮ੍ਰਿਤਸਰ ਨੇ ਮੋਦੀ ਸਰਕਾਰ ਵੱਲੋਂ ਨਵੀ ਨੀਤੀ 2020 (ਐਨ.ਈ.ਪੀ 2020) ਦਾ ਸਵਾਗਤ ਕਰਦਿਆਂ ਇਸ ਨੂੰ ਭਾਰਤੀ ਸਿੱਖਿਆ ਪ੍ਰਣਾਲੀ ਦੇ ਇਤਿਹਾਸ ਦਾ ਸਭ ਤੋਂ ਵੱਡਾ ਮੋੜ ਦੱਸਿਆ ਹੈ।ਇਸ ਸਿੱਖਿਆ ਪ੍ਰਣਾਲੀ ’ਚ ਕ੍ਰਾਂਤੀ ਲਿਆਉਣ ਦੇ ਉਦੇਸ਼ ਨਾਲ ਇਕ ਗੇਮ ਚੇਂਜਰ ਬਣੇਗੀ।ਐਨ,ਈ.ਪੀ ਸਿੱਖਿਆ ਦੇ 4 ਥੰਮਾਂ ਯਾਨੀ ਜਵਾਬਦੇਹੀ, ਵਿਵਹਾਰਤਾ, ਪਹੁੰਚ ਯੋਗਤਾ ਅਤੇ ਗੁਣਾਂ ’ਤੇ ਅਧਾਰਿਤ ਹੈ, ਜੋ ਸਿੱਖਿਆ ਪ੍ਰਣਾਲੀ ਵਿੱਚ ਇੱਕ ਨਵਾਂ ਉਦਾਹਰਣ ਲੈ ਕੇ ਆਵੇਗਾ।ਐਨ.ਈ.ਪੀ 2020 ਦੇ ਅਨੁਸਾਰ ਉਚੇਰੀ ਸਿੱਖਿਆ ਲਈ ਇਕੋ ਇਕ ਕੌਂਸਿਲ ਹੋਵੇਗੀ।ਜਿਸ ਕੋਲ ਪ੍ਰਮਾਣਿਕਤਾ, ਮਿਆਰਾਂ ਅਤੇ ਦਾਖਲਾ ਪ੍ਰੀਖਿਆਵਾਂ ਦੇ ਕਈ ਵਰਟੀਕਲ ਹੋਣਗੇ।ਐਨ.ਈ.ਪੀ 2020 ‘ਤੇ ਆਪਣੀ ਰਾਏ ਸ਼ਾਂਝੀ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇਹ ਨਾ ਸਿਰਫ ਸਕੂਲਾਂ ਵਿਚ ਵਧੇਰੇ ਦਾਖਲੇ ਨੂੰ ਆਕਰਸ਼ਿਤ ਕਰੇਗਾ ਬਲਕਿ ਵਿਦਿਆਰਥੀ ਦੇ ਕਿੱਤਾਮੁਖੀ ਹੁਨਰਾਂ ਨੂੰ ਵਧਾਉਣ ਵਿੱਚ ਵੀ ਸਹਾਇਤਾ ਕਰੇਗਾ।ਉਨ੍ਹਾਂ ਕਿਹਾ ਕਿ ਐਨ.ਈ.ਪੀ 2020 ਅਧਿਆਪਕਾਂ ਅਤੇ ਪ੍ਰੋਫੈਸਰਾਂ ਨੂੰ ਵਧੇਰੇ ਰੋਮਾਂਚਕ ਅਤੇ ਵਿਭਿੰਨ ਅਧਿਐਨ ਸਮੱਗਰੀ ਤਿਆਰ ਕਰਨ ਲਈ ਉਤਸ਼ਾਹਿਤ ਕਰੇਗਾ।ਅਮਿਤ ਸ਼ਰਮਾ ਨੇ ਕਿਹਾ ਕਿ ਐਨ.ਈ.ਪੀ 2020 ਦੇ ਅਮਲ ਨੂੰ ਬੜੀ ਉਤਸੁਕਤਾ ਨਾਲ ਵੇਖ ਰਹੇ ਹਨ ਕਿਉਕਿ ਇਹ ਭਾਰਤ ਦੇ ਉਚ ਵਿਦਿਅਕ ਅਦਾਰਿਆਂ ਨੂੰ ਵਿਸ਼ਵ ਪੱਧਰ’ਤੇ ਪ੍ਰਤੀਯੋਗੀ ਬਣਾਉਣ ਲਈ ਉਤਪ੍ਰੇਰਕ ਵਜੋ ਕੰਮ ਕਰੇਗਾ ਜਿਸ ਨਾਲ ਭਾਰਤੀ ਨੋਜਵਾਨਾਂ ਨੂੰ ਭਾਰਤ ਵਿਚ ਬਰਕਰਾਰ ਰੱਖਿਆ ਜਾ ਸਕੇਗਾ।ਉਕਤ ਨਵੀ ਸਿੱਖਿਆ ਨੀਤੀ ਨਾਲ ਦੇਸ਼ ਨਵੀਆ ਲੀਹਾਂ’ਤੇ ਤੁਰੇਗਾ।