ਵਿਧਾਇਕ ਰਾਣਾ ਵਲੋਂ ਜਲੋਖਾਨਾ ਵਿਖੇ ਟਿਊਬਵੈਲ ਲਾਉਣ ਦੇ ਕੰਮ ਦੀ ਸ਼ੁਰੂਆਤ

15.36 ਲੱਖ ਦੀ ਆਵੇਗੀ ਲਾਗਤ

ਕਪੂਰਥਲਾ, 4 ਸਤੰਬਰ (ਪੰਜਾਬ ਪੋਸਟ ਬਿਊਰੋ) – ਵਿਧਾਇਕ ਰਾਣਾ ਗੁਰਜੀਤ ਸਿੰਘ ਵਲੋਂ ਅੱਜ ਜਲੌਖਾਨਾ ਚੌਂਕ ਵਿਖੇ ਟਿਊਬਵੈਲ ਲਾਉਣ ਦੇ ਕੰਮ ਦੀ ਸ਼ੁਰੂਆਤ ਕਰਵਾਈ ਗਈ।ਜਿਸ ‘ਤੇ ਕੁੱਲ 15.36 ਲੱਖ ਲਾਗਤ ਆਵੇਗੀ ।
               ਵਿਧਾਇਕ ਨੇ ਦੱਸਿਆ ਕਿ ਸ਼ਹਿਰ ਦੀ ਆਬਾਦੀ ਨੂੰ ਪੀਣ ਵਾਲਾ ਸਾਫ ਸੁਥਰਾ ਪਾਣੀ ਮੁਹੱਈਆ ਕਰਵਾਉਣ ਲਈ 4 ਨਵੇਂ ਟਿਊਬਵੈਲ ਲਗਾਏ ਗਏ ਹਨ।ਉਹਨਾਂ ਦੱਸਿਆ ਕਿ ਜਲੌਖਾਨਾ ਚੌਂਕ ਵਿਖੇ ਲਗਾਏ ਜਾ ਰਹੇ ਇਸ ਟਿਊਬਵੈਲ ਨਾਲ ਮਲਕਾਣਾ ਮੁਹੱਲਾ, ਲਾਹੌਰੀ ਗੇਟ, ਨੀਚੇ ਬੰਧਨ, ਸ਼ਾਲੀਮਾਰ ਬਾਗ ਤੇ ਸ਼ਹਿਰੀਆਂ ਮੁਹੱਲਾ ਦੀ ਲਗਭਗ 8000 ਦੀ ਅਬਾਦੀ ਨੂੰ ਲਾਭ ਹੋਵੇਗਾ।ਕਾਰਜਸਾਧਕ ਅਫਸਰ ਆਦਰਸ਼ ਕੁਮਾਰ ਨੇ ਦੱਸਿਆ ਕਿ ਟਿਊਬਵੈਲ ਲਈ 650 ਫੁੱਟ ਡੂੰਘਾ ਬੋਰ ਕੀਤਾ ਜਾ ਰਿਹਾ ਹੈ, ਜੋ ਕਿ ਅਗਲੇ 15 ਦਿਨ ਵਿੱਚ ਮੁਕੰਮਲ ਕਰ ਲਿਆ ਜਾਵੇਗਾ।
               ਇਸ ਮੌਕੇ ਕਾਂਗਰਸੀ ਆਗੂ ਵਿਸ਼ਾਲ ਸੋਨੀ, ਨਰਿੰਦਰ ਮਨਸੂ, ਬੋਬੀ ਭਸੀਨ, ਸਤਨਾਮ ਵਾਲੀਆ, ਕੁਲਦੀਪ ਸਿੰਘ, ਕਮਲਜੀਤ ਕਾਕਾ, ਡਾ. ਵਿੱਕੀ, ਅਸ਼ਵਨੀ ਰਾਜਪੂਤ, ਵਿਕਾਸ ਸ਼ਰਮਾ ਹਾਜ਼ਰ ਸਨ।