ਅਕੇਡੀਆ ਵਰਲਡ ਸਕੂਲ ‘ਚ ਕਰਵਾਇਆ ਬੈਸਟ ਆਊਟ ਆਫ ਵੇਸਟ ਕਰਾਫਟ ਮੁਕਾਬਲਾ

ਸੰਗਰੂਰ, 12 ਨਵੰਬਰ (ਜਗਸੀਰ ਲੌਂਗੋਵਾਲ) – ਸਥਾਨਕ ਸਕੂਲ ਅਕੇਡੀਆ ਵਰਲਡ ਸਕੂਲ ਵਿਖੇ ਤੀਜੀ ਤੋਂ ਅੱਠਵੀਂ ਜਮਾਤ ਦੇ ਵਿਦਿਆਰਥੀਆਂ ਦਾ ਬੈਸਟ ਆਊਟ ਆਫ ਵੇਸਟ ਕਰਾਫਟ ਮੁਕਾਬਲਾ ਕਰਵਾਇਆ ਗਿਆ।
                ਇਸ ਪ੍ਰਤੀਯੋਗਤਾ ਦਾ ਮੁੱਖ ਉਦੇਸ਼ ਬੱਚਿਆਂ ਵਿੱਚ ਇਹ ਹੁਨਰ ਪੈਦਾ ਕਰਨਾ ਸੀ ਕਿ ਕੁੱਝ ਵੀ ਵਿਅਰਥ ਨਹੀਂ ਹੁੰਦਾ।ਹਰ ਵਿਅਰਥ ਚੀਜ਼ ਨੂੰ ਵਰਤੋਂ ਵਿੱਚ ਲਿਆਂਦਾ ਜਾ ਸਕਦਾ ਹੈ।ਕੱਝ ਵਿਅਰਥ ਚੀਜ਼ਾਂ ਦੀ ਵਰਤੋਂ ਕਰਕੇ ਬੱਚਿਆਂ ਨੇ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕੀਤਾ।ਪ੍ਰਤੀਯੋਗਤਾ ਵਿੱਚ ਜਪਲੀਨ ਕੌਰ ਜਮਾਤ ਪੰਜਵੀਂ ਤੇ ਲਵਰੀਤ ਕੌਰ ਜਮਾਤ ਅੱਠਵੀਂ, ਪਹਿਲੇ ਸਥਾਨ ‘ਤੇ, ਹਰਕੀਰਤ ਸਿੰਘ ਜਮਾਤ ਤੀਜੀ ਤੇ ਭਾਵਯਾ ਜਮਾਤ ਅੱਠਵੀਂ ਦੂਜੇ ਸਥਾਨ ‘ਤੇ ਅਤੇ ਸਹਿਜਦੀਪ ਸਿੰਘ ਜਮਾਤ ਤੀਜੀ ਤੇ ਪ੍ਰਭਜੋਤ ਸਿੰਘ ਜਮਾਤ ਸੱਤਵੀ ਤੀਜੇ ਸਥਾਨ ‘ਤੇ ਰਹੇ।ਪ੍ਰਿੰਸੀਪਲ ਸ੍ਰੀਮਤੀ ਰਣਜੀਤ ਕੌਰ ਨੇ ਜੇਤੂਆਂ ਦੀ ਹੌਂਸਲਾ ਅਫਜ਼ਾਈ ਕੀਤੀ ਤੇ ਮੁਬਾਰਕਾਂ ਦਿੱਤੀਆਂ।