ਸੜਕ ਹਾਦਸਿਆਂ ਦੇ ਖਿਲਾਫ ਭਾਸਕਰ ਮਹਾਂ ਅਭਿਆਨ ਦੇ ਤਹਿਤ ਕੱਢੀ ਗਈ ਰੈਲੀ

ਬਠਿੰਡਾ, 24 ਦਸੰਬਰ (ਸੰਜੀਵ ਸ਼ਰਮਾ) – ਸੜਕ ਹਾਦਸਿਆਂ ਦੇ ਖਿਲਾਫ ਮਹਾਂ ਅਭਿਆਨ ਦੇ ਤਹਿਤ ਬਠਿੰਡਾ ਵਿੱਚ ਬਾਇਕ (ਮੋਟਰਸਾਈਕਲ) ਰੈਲੀ ਕੱਢੀ ਗਈ।ਇਹ ਰੈਲੀ ਐਚ. ਬੀ. ਐਨ ਟਾਊਨ ਸੈਂਟਰ ਦੇ ਸਹਿਯੋਗ ਨਾਲ ਬਾਅਦ ਦੁਪਹਿਰ ਪੈਨਸੁਲਾ ਮਾਲ ਤੋਂ ਸ਼ੁਰੂ ਹੋਈ। ਐਸ.ਐਸ.ਪੀ. ਇੰਦਰਮੋਹਨ ਭੱਟੀ ਨੇ ਝੰਡੀ ਦਿਖਾ ਕੇ ਰੈਲੀ ਨੂੰ ਰਵਾਨਾ ਕੀਤਾ। ਇਸ ਰੈਲੀ ਵਿੱਚ ਸਕੂਲ ਵੈਨ, ਬੱਸ ਓਪਰੇਟਰ ਦੇ ਪ੍ਰਧਾਨ ਗੁਰਪ੍ਰੀਤ ਸਿੰਘ ਨੇ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਕਿਹਾ ਕਿ ਸਰਦੀ ਵਿੱਚ ਪੈ ਰਹੀ ਧੁੰਦ ਤੋਂ ਬਚਣ ਲਈ ਜਿਥੇ ਵਾਹਣਾਂ ਦੀ ਸਪੀਡ ਘੱਟ ਰੱਖਣੀ ਚਾਹੀਦੀ ਹੈ, ਉਥੇ ਵਾਹਣਾ ਦੇ ਪਿਛੇ ਰਿਫਲੈਕਟਰ ਵੀ ਜਰੂਰ ਲਗਾਏ ਜਾਣੇ ਚਾਹੀਦੇ ਹਨ।ਇਸ ਮੌਕੇ ਵੱਡੀ ਗਿਣਤੀ ‘ਚ ਇਲਾਕਾ ਵਾਸੀ ਅਤੇ ਸਕੂਲ ਵੈਨ ਬੱਸ ਓਪਰੇਟਰ ਹਾਜਰ ਸਨ।