ਰਲਿਆ ਮਿਲਿਆ ਹੁੰਗਾਰਾ ਮਿਲਿਆ ਪੰਜਾਬ ਬੰਦ ਨੂੰ

ਅੰਮ੍ਰਿਤਸਰ, 10 ਜਨਵਰੀ (ਸੁਖਬੀਰ ਸਿੰਘ) – ਬੰਦੀ ਸਿੰਘ ਦੀ ਰਿਹਾਈ ਲਈ ਅੰਬਾਲਾ ਦੇ ਗੁ: ਲਖਨੌਰ ਸਾਹਿਬ ਪਿਛਲੇ 56 ਦਿਨਾਂ ਤੋਂ ਭੁੱਖ ਹੜਤਾਲ ‘ਦੇ ਬੈਠਟ ਭਾਈ ਗੁਰਬਖਸ਼ ਦਿੰਘ ਖਾਲਸਾ ਦੀ ਹਮਾਇਤ ‘ਚ ਦਮਦਮੀ ਟਕਸਾਲ ਭਾਈ ਅਮਰੀਕ ਸਿੰਘ ਤੇ ਉਨਾਂ ਦੀਆਂ ਹਮਾਇਤੀ ਸਿੱਖ ਜਥੱਬੰਦੀਆਂ ਵਲੋਂ ਪੰਜਾਬ ਬੰਦ ਦੇ ਦਿੱਤੇ ਸੱਦੇ ਨੂੰ ਮਿਲਿਆ ਜੁਲਿਆ ਹੁੰਗਾਰਾ ਮਿਲਿਆ। ਬੰਦ ਧੌਰਾਨ ਜਿਥੇ ਵਿਦਿਅਕ ਅਦਾਰੇ ਬੰਦ ਰਹੇ ਉੇਥੇ ਸ਼ਹਿਰ ਦੀਆਂ ਪ੍ਰਮੁੱਖ ਮਾਰਕੀਟਾਂ ਤੇ ਬਜਾਰ ਬੰਦ ਰਹੇ। ਸਿੱਖ ਜਥੇਬੰਦੀਆਂ ਵਲੋਂ ਕੱਢੇ ਜਾਣ ਵਾਲੇ ਮਾਰਚ ਨੂੰ ਉਸ ਸਮੇਂ ਪੁਲਿਸ ਨੇ ਅਸਫਲ ਬਣਾ ਦਿੱਤਾ, ਜਦ ਘੰਟਾ ਘਰ ਦੇ ਬਾਹਰ ਜਲਿਆਂਵਾਲਾ ਬਾਗ ਨੇੜੇ ਦਮਦਮੀ ਟਕਸਾਲ ਦੇ ਭਾਈ ਅਮਰੀਕ ਸਿੰਘ ਨੂੰ ਸਾਥੀਆਂ ਭਾਈ ਬਲਵੰਤ ਸਿੰਘ ਗੋਪਾਲਾ ਸਮੇਤ ਗ੍ਰਿਫਤਾਰ ਕਰ ਲਿਆ।ਸ੍ਰੀ ਦਰਬਾਰ ਸਾਹਿਬ ਨੇੜਲੇ ਬਜਾਰ ਤੇ ਦੁਕਾਨਾਂ ਬੰਦ ਰਹੀਆਂ ਅਤੇ ਸੁਲਤਾਨਵਿੰਡ ਰੋਡ ‘ਤੇ ਬੰਦ ਪੂਰਾ ਹੁੰਗਾਰਾ ਮਿਲਿਆ ਅਤੇ ਦੁਕਾਨਦਾਰਾਂ ਨੇ ਆਪਣੀਆਂ ਦੁਕਾਨਾਂ ਬੰਦ ਰੱਖੀਆਂ। ਪਿੰਡ ਸੁਲਤਾਨਵਿੰਡ ਵਿੱਚ ਭਾਵੇਂ ਪਹਿਲਾਂ ਦੁਕਾਨਾਂ ਬੰਦ ਸਨ, ਪ੍ਰੰਤੂ ਬਾਅਦ ਵਿੱਚ ਬਜਾਰ ਖੁੱਲ ਗਿਆ।ਇਹ ਬੰਦ ਪੂਰਾ ਸ਼ਾਂਤਮਈ ਰਿਹਾ ਅਤੇ ਲੋਕਾਂ ਨੇ ਆਪਣੇ ਤੌਰ ‘ਤੇ ਦੁਕਾਨਾਂ ਬੰਦ ਕੀਤੀਆਂ ।

ਬੰਦ ਨੂੰ ਵੇਖਦਿਆਂ ਪੁਲਿਸ ਪ੍ਰਸਾਸ਼ਨ ਵਲੋਂ ਸੁਰੱਖਿਆ ਦੇ ਮਜਬੂਤ ਪ੍ਰਬੰਧ ਕੀਤੇ ਸਨ ਅਤੇ ਕੁੱਝ ਥਾਂਈਂ ਕਰਨ ਸੈਨਾ ਨਾਮੀ ਹਿੰਦੂ ਸੰਗਠਨ ਤੇ ਪੁਲਿਸ ਵਲੋਂ ਲੋਕਾਂ ਨੂੰ ਦੁਕਾਨਾਂ ਖੋਲਣ ਲਈ ਪ੍ਰੇਰਿਤ ਕਰਦੇ ਦੇਖੇ ਗਏ।ਅੰਮ੍ਰਿਤਸਰ ਦੇ ਨੇੜਲੇ ਕਸਬੇ ਅਟਾਰੀ, ਅਜਨਾਲਾ, ਰਮਦਾਸ ਆਦਿ ਵਿੱਚ ਮੁਕੰਮਲ ਬੰਦ ਦਿਸਿਆ।ਸੂਚਨਾ ਅਨੁਸਾਰ ਸ਼ਹਿਰ ਦੇ ਕਈ ਥਾਵਾਂ ‘ਤੇ ਪੈਟਰੋਲ ਪੰਪ ਬੰਦ ਤੇ ਕਈ ਥਾਵਾਂ ‘ਤੇ ਬੰਦ ਰਹੇ। ਕਈ ਬੈਂਕਾਂ ਦੇ ਮੁਲਾਜ਼ਮਾਂ ਨੇ ਅੱਧੇ ਸ਼ਟਰ ਸੁੱੱਟ ਕੇ ਕੰਮਕਾਜ਼ ਨਿਪਟਾਇਆ।