ਪੰਜਾਬ ਮਨੁੱਖੀ ਤਸਕਰੀ ਰੋਕਥਾਮ ਨਿਯਮ ਤਹਿਤ ਲਾਈਸੈਂਸ ਬਣਾਉਣ ਦੀ ਮਿਤੀ ਵਿੱਚ ਵਾਧਾ

ਬਠਿੰਡਾ, 23ਅਪ੍ਰੈਲ (ਜਸਵਿੰਦਰ ਸਿੰਘ ਜੱਸੀ, ਅਵਤਾਰ ਸਿੰਘ ਕੈਂਥ) – ਡਿਪਟੀ ਕਮਿਸ਼ਨਰ ਬਠਿੰਡਾ ਡਾ. ਬਸੰਤ ਗਰਗ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਦੇ ਗ੍ਰਹਿ ਵਿਭਾਗ ਵਲੋਂ ਪੰਜਾਬ ਮਨੁੱਖੀ ਤਸਕਰੀ ਰੋਕਥਾਮ ਨਿਯਮ-2013 ਦੇ ਸੋਧ ਨਿਯਮ 2014 ਤਹਿਤ ਲਾਈਸੈਂਸ ਬਣਾਉਣ ਦੀ ਮਿਤੀ ਵਿਚ 23 ਅਪ੍ਰੈਲ 2015 ਤੱਕ ਵਾਧਾ ਕੀਤਾ ਗਿਆ ਸੀ।ਲੇਕਿਨ ਹੁਣ ਨਵਾਂ ਕਿੱਤਾ ਸ਼ੁਰੂ ਕਰਨ ਵਾਲਿਆਂ ਲਈ ਲਾਈਸੰਸ ਅਪਲਾਈ ਕਰਨ ਲਈ ਕੋਈ ਮਿਤੀ ਨਿਯਤ ਨਹੀਂ ਕੀਤੀ ਗਈ ਹੈ ਉਹ ਜਦੋਂ ਵੀ ਨਵੇਂ ਤੌਰ ‘ਤੇ ਕੰਮ ਸ਼ੁਰੂ ਕਰਦੇ ਹਨ ਤਾਂ ਉਦੋਂ ਬਣਦੀ ਫੀਸ ਅਤੇ ਦਸਤਾਵੇਜ ਦੇ ਕੇ ਲਾਇਸੰਸ ਜਾਰੀ ਕਰਵਾ ਸਕਦੇ ਹਨ।