ਖਾਲਸਾ ਸਾਜਨਾ ਦਿਵਸ ਦੇ ਸਬੰਧ ਵਿੱਚ ਨਗਰ ਕੀਰਤਨ ਸਜਾਇਆ

ਖੁਜਾਲਾ, 24 ਅਪ੍ਰੈਲ (ਸਿਕੰਦਰ ਸਿੰਘ ਖਾਲਸਾ ਸੋਨੀ) – ਖਾਲਸਾ ਸਾਜਨਾ ਦਿਵਸ ਦੇ ਪਵਿਤਰ ਦਿਹਾੜੇ ਦੇ ਸਬੰਧ ਵਿੱਚ ਸ੍ਰੀ ਗੁਰੁ ਗ੍ਰੰਥ ਸਹਿਬ ਦੀ ਛਤਰ ਛਾਇਆ ਹੇਠ ਗੁਰਦੁਆਰਾ ਗੁਰੁ ਨਾਨਕ ਸਹਿਬ ਪਿੰਡ ਸਾਧਪੁਰ ਤੋਂ ਨਗਰ ਕੀਰਤਨ ਕੱਢਿਆ ਗਿਆ।ਨਗਰ ਕੀਰਤਨ ਦੀ ਅਗਵਾਈ ਪੰਜ ਪਿਆਰਿਆਂ ਵਲੋਂ ਕੀਤੀ ਗਈ।ਨਗਰ ਕੀਰਤਨ ਦੀ ਰਵਾਨਗੀ ਭਾਈ ਦਲੇਰ ਸਿੰਘ ਵਲੋਂ ਅਰਦਾਸ ਉਪਰੰਤ ਕੀਤੀ ਗਈ।ਸਹਿਬ ਸ੍ਰੀ ਗੁਰੂੁ ਗ੍ਰੰਥ ਸਹਿਬ ਜੀ ਨੂੰ ਗੱਡੀ ਵਿੱਚ ਸੁੰਦਰ ਪਾਲਕੀ ਵਿੱਚ ਸ਼ਸੋਬਤ ਕੀਤਾ ਗਿਆ।ਸੰਗਤਾਂ ਸਬਦ ਗਾਇਨ ਕਰਦਿਆਂ ਪਾਲਕੀ ਸਹਿਬ ਦੇ ਪਿਛੇ ਪਿਛੇ ਚਲ ਰਹੀਆਂ ਸਨ.ਰਸਤੇ ਵਿੱਚ ਨਗਰ ਕੀਰਤਨ ਦਾ ਥਾਂ-ਥਾਂ ਭਰਵਾਂ ਸਵਾਗਤ ਕੀਤਾ ਗਿਆ ਅਤੇ ਸੰਗਤਾਂ ਵਲੋਂ ਫੁਲਾਂ ਦੀ ਵਰਖਾ ਕੀਤੀ ਗਈ।ਗੁਰਦੁਆਰਾ ਬਾਬਾ ਦੀਪ ਸਿੰਘ ਵਿਖੇ ਚਾਹ ਪਕੌੜੇ ਅਤੇ ਗੁਰਦੁਆਰਾ ਨਾਨਕਸਰ ਵਿਖੇ ਲੰਗਰ ਲਗਾਏ ਗਏ।ਸਮਾਪਤੀ ਮੌਕੇ ਗੁਰਦੁਆਰਾ ਬੇਰ ਸਹਿਬ ਕਲੱਬ ਦੇ ਪ੍ਰਧਾਨ ਤਲਵਿੰਦਰ ਸਿੰਘ, ਦਲਬੀਰ ਸ਼ਿੰਘ, ਅੰਗਰੇਜ ਸਿੰਘ, ਮਾਸਟਰ ਸੰਦੀਪ ਕੁਮਾਰ, ਡਾ ਸੁਖਚੈਨ ਸਿੰਘ, ਸੈਕਟਰੀ ਮੇਵਾ ਸਿੰਘ, ਸਰਪੰਚ ਧਰਮ ਸਿੰਘ, ਜਗੀਰ ਸਿੰਘ, ਸਰਮੁੱਖ ਸਿੰਘ ਵਲੋਂ ਨਗਰ ਕੀਰਤਨ ਵਿੱਚ ਸ਼ਾਮਲ ਆਈਆਂ ਸੰਗਤਾਂ ਦਾ ਧੰਨਵਾਦ ਕੀਤਾ ਗਿਆ।