ਹਾਈ ਟੈਨਸ਼ਨ ਬਿਜਲੀ ਦੀਆਂ ਤਾਰਾਂ ਲੱਥਣ ਨਾਲ ਲੋਕਾਂ ਲਿਆ ਸੁੱਖ ਦਾ ਸਾਹ

ਮੰਤਰੀ ਅਨਿਲ ਜੋਸ਼ੀ ਦੀ ਮਿਹਨਤ ਸਦਕਾ ਮੁਸਤਫਾਬਾਦ ਵਿਚੋਂ ਲੱਥੀਆਂ 66 ਕੇ ਵੀ ਤਾਰਾਂ

ਅੰਮ੍ਰਿਤਸਰ, 2 ਅਗਸਤ (ਜਗਦੀਪ ਸਿੰਘ ਸੱਗੂ, ਗੁਰਚਰਨ ਸਿੰਘ) – ਅੱਜ ਮੁਸਤਫਾਬਾਦ ਇੰਦਰਾ ਕਲੋਨੀ 88 ਫੁੱਟ ਸੜਕ ਤੋਂ ਮਜੀਠਾ ਰੋਡ ਬਾਈਪਾਸ, ਲੋਹਾਰਕਾ ਰੋਡ, ਖੰਨਾ ਪੇਪਰ ਮਿਲ ਉਤੋਂ ਲੰਘ ਰਹੀਆਂ 66 ਕੇ ਵੀ ਹਾਈ ਟੈਨਸ਼ਨ ਬਿਜਲੀ ਦੀਆਂ ਤਾਰਾਂ ਉਤਾਰ ਦਿੱਤੀਆਂ ਗਈਆਂ।ਸਥਾਨਕ ਸਰਕਾਰ, ਡਾਕਟਰੀ ਸਿੱਖਿਆ ਅਤੇ ਖੋਜ ਮੰਤਰੀ ਸ਼੍ਰੀ ਅਨਿਲ ਜੋਸ਼ੀ ਨੇ ਦੱਸਿਆ ਕਿ ਹਾਈ ਟੈਨਸ਼ਨ ਤਾਰਾਂ ਜੋ ਕਿ ਲੋਕਾਂ ਦੇ ਸਿਰ ਉਤੇ ਮੋਤ ਦਾ ਸਾਇਆ ਬਣੀਆਂ ਹੋਈਆਂ ਸਨ, ਅੱਜ ਬਿਜਲੀ ਮਹਿਕਮੇ ਨੇ ਉਤਾਰ ਦਿੱਤੀਆਂ।ਉਹਨਾਂ ਨੇ ਮਾਨਯੋਗ ਮੁੱਖ ਮੰਤਰੀ ਪੰਜਾਬ ਸ: ਪ੍ਰਕਾਸ਼ ਸਿੰਘ ਬਾਦਲ ਦਾ ਧੰਨਵਾਦ ਕੀਤਾ, ਜਿਨਾਂ ਨੇ ਉਹਨਾਂ ਦੀ ਗੱਲ ਤੇ ਗੋਰ ਕਰਕੇ ਇਹ ਤਾਰਾਂ ਲਾਉਣ ਲਈ ਬਿਜਲੀ ਮਹਿਕਮੇ ਨੂੰ ਕਿਹਾ। ਉਥੇ ਮੋਜੂਦ ਲੋਕਾਂ ਨੇ ਦੱਸਿਆ ਕਿ ਇਹ ਤਾਰਾਂ ਦਾ ਸਾਇਆ ਉਹਨਾਂ ਦੇ ਸਿਰ ਤੇ ਹਰ ਵੇਲੇ ਤਲਵਾਰ ਵਾਂਗ ਲਟਕਦਾ ਰਹਿੰਦਾ ਸੀ ਅਤੇ ਇਸ ਦੇ ਡਰ ਤੋਂ ਉਹ ਆਪਨੇ ਕੋਠਿਆਂ ਤੇ ਆਪਣੇ ਬੱਚਿਆਂ ਨੂੰ ਨਹੀ ਭੇਜਦੇ ਸਨ।ਕਿਉਂਕਿ ਇਹ ਸਰਕਾਰ ਦੀ ਹਦਾਇਤ ਸੀ ਕਿ ਜਿਥੋਂ ਇਹ ਤਾਰਾਂ ਲੰਘਣਗੀਆਂ ਉਥੇ ਬਿਜਲੀ ਦੇ ਮੀਟਰ ਨਹੀ ਸੀ ਲੱਗ ਸਕਦੇ ਅਤੇ ਇਥੋ ਦੇ ਲੋਕ ਬਹੁਤ ਪ੍ਰੇਸ਼ਾਨ ਰਹਿੰਦੇ ਸਨ। ਲੋਕਾਂ ਨੇ ਇਹ ਮੋਤ ਦਾ ਜਾਲ ਉਹਨਾਂ ਦੇ ਸਿਰੋ ਲਾਹੁਣ ਤੇ ਜੋਸ਼ੀ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ । ਇਸ ਮੋਕੇ ਤੇ ਰਾਨੀ ਪ੍ਰਧਾਨ, ਤਾਰੀ ਪ੍ਰਧਾਨ, ਸੁਰਜੀਤ ਸ਼ਰਮਾ, ਗੁਰਪਾਲ, ਭਾਲਾ, ਬਿਲੂ, ਨਿਰਮਲ ਸਿੰਘ, ਸੋਨੂੰ, ਜਸਵਿੰਦਰ ਸਿੰਘ, ਸੁਭਾਸ਼, ਐਸ.ਡੀ.ੳ. ਦਿਨੇਸ਼ ਗੁਪਤਾ ਆਦਿ ਮੋਜੂਦ ਸਨ।