ਆਮ ਆਦਮੀ ਪਾਰਟੀ ਨੇ ਘੱਤੀਆਂ ਪਿੰਡਾਂ ਵੱਲ ਵਹੀਰਾਂ

ਖਾਲੜਾ, 23 ਅਗਸ਼ਤ (ਲਖਵਿੰਦਰ ਸਿੰਘ ਗੌਲਣਫ਼ਰਿੰਪਲ ਖਾਲੜਾ) – ਆਮ ਆਦਮੀ ਵੱਲੋ ਹਰ ਹਲਕੇ ਵਿੱਚ 25 ਹਜ਼ਾਰ ਮੈਬਰਸ਼ਿਪ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ। ਇਸ ਮੁਹਿੰਮ ਤਹਿਤ ਪ੍ਰੀਤ ਪਰਭਾਕਰ ਗੌੜ ਜ਼ੋਨਲ ਅਬਜ਼ਰਵਰ ਜੇ. ਐਨ ਮਾਥੁਰ, ਸੁਖਬੀਰ ਸਿੰਘ ਵਲਟੋਹਾ, ਸੁਰਜ਼ੀਤ ਸਿੰਘ ਕੰਗ ਖੇਮਕਰਨ ਦੀ ਅਗਵਾਈ ਹੇਠ ਹਲਕਾ ਖੇਮਕਰਨ ਦੇ ਅੰਦਰ ਪੈਦੇ ਪਿੰਡ ਘਰਿਆਲਾ, ਵਲਟੋਹਾ, ਦਿਆਲਪੁਰ, ਸਾਂਡਪੁਰਾ, ਭਿੱਖੀਵਿੰਡ, ਸੁਰਸਿੰਘ ਆਦਿ ਇਲਾਕਿਆਂ ਵਿੱਚ ਅੱਜ ਇਕ ਰੈਲੀ ਕੱਢੀ ਗਈ।ਜਿਸ ਦੌਰਾਨ ਵੱਖ-ਵੱਖ ਥਾਵਾਂ ‘ਤੇ ਲੋਕਾਂ ਨੂੰ ਸਬੋਧਨ ਕਰਦਿਆ ਉਕਤ ਆਗੂਆਂ ਨੇ ਕਿਹਾ ਆਮ ਆਦਮੀ ਪਾਰਟੀ ਨੂੰ ਉਹ ਇਕ ਅੱਵਲ ਦਰਜੇ ‘ਤੇ ਪਹੁੰਚਾਉਣਗੇ ਅਤੇ ਦਾਜ, ਨਸ਼ੇ, ਭਰੂਣ-ਹੱਤਿਆ, ਸਮੈਕ, ਹੀਰੋਇਨ, ਅਜਿਹੀਆਂ ਸਮਾਜ਼ਿਕ ਬੁਰਾਈਆਂ ਨੂੰ ਖਤਮ ਕਰਨ ਲਈ ਉਪਰਾਲੇ ਕਰਨਗੇ। ਉਨਾਂ ਕਿਹਾ ਕਿ ਉਹ ਨਸ਼ਿਆਂ ਵਿੱਚ ਰੁੜ ਰਹੀ ਜ਼ਵਾਨੀ ਨੂੰ ਬਰਬਾਦ ਨਹੀ ਹੋਣ ਦੇਵਾਂਗੇ ।ਇਸ ਸਮੇ ਸੁਖਬੀਰ ਸਿੰਘ ਵਲਟੋਹਾ ਨੇ ਲੋਕਾਂ ਨੁੰ ਕਿਹਾ ਕਿ ਉਹ ਆਮ ਆਦਮੀ ਪਾਰਟੀ ਦੇ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਸਹਿਯੋਗ ਦੇਣ ।ਇਸ ਸਮੇ ਨਿਰਮਲ ਸਿੰਘ, ਲਾਲੀ, ਸੁਰਜੀਤ ਸਿੰਘ ਆਦਿ ਹਾਜ਼ਿਰ ਸਨ।