ਸੜਕ ਹਾਦਸੇ ਵਿੱਚ ਨੋਜਵਾਨ ਜੋੜੇ ਦੀ ਮੌਤ

ਫਾਜ਼ਿਲਕਾ 17 ਅਪ੍ਰੈਲ, (ਵਿਨੀਤ ਅਰੋੜਾ)-  ਫਾਜ਼ਿਲਕਾ ਹਲਵਾਈ ਯੂਨੀਅਨ ਦੇ ਪ੍ਰਧਾਨ ਦੋਲਤ ਰਾਮ ਹਲਵਾਈ ਦੇ ਨੋਜਵਾਨ ਲੜਕੇ ਸੁਨੀਲ ਕੁਮਾਰ ਕਾਠਪਾਲ (ਸੋਨੂੰ) ਅਤੇ ਉਸਦੀ ਪਤਨੀ ਵਿਨੀਤਾ ਦੀ ਅੱਜ ਸ਼ਾਮ ਕਰੀਬ ਸਾਢੇ 6-00 ਵਜੇ ਅਬੋਹਰ ਫਾਜ਼ਿਲਕਾ ਰੋਡ ਤੇ ਪਿੰਡ ਬੇਗਾਂਵਾਲੀ ਦੇ ਕੋਲ ਕਾਰ ਦੇ ਬੇਕਾਬੂ ਹੋ ਜਾਣ ਅਤੇ ਸੜਕ ਕੰਡੇ ਲੱਗੇ ਰੁੱਖ ਨਾਲ ਟਕਰਾਉਣ ਨਾਲ ਮੋਕੇ ਤੇ ਹੀ ਮੌਤ ਹੋ ਗਈ। ਮ੍ਰਿਤਕ ਸੁਨੀਲ ਕੁਮਾਰ ਹਨੁਮਾਨਗੜ ਵਿਆਹਿਆ ਹੋਇਆ ਸੀ ਅਤੇ ਅਪਣੀ ਪਤਨੀ ਨਾਲ ਹਨੁਮਾਨਗੜ ਵਿੱਚ ਲੋਕ ਸਭਾ ਚੌਣਾ ਦੀ ਵੋਟ ਪਾ ਕੇ ਆ ਰਿਹਾ ਸੀ ਕਿ ਬੇਗਾਂਵਾਲੀ ਦੇ ਕੋਲ ਅਚਾਨਕ ਕਾਰ ਬੇਕਾਬੂ ਹੋ ਕੇ ਸੜਕ ਤੋ ਹੇਠਾਂ ਖੇਤਾਂ ਵਿੱਚ ਆ ਡਿੱਗੀ ਅਤੇ ਇਸ ਹਾਦਸੇ ਵਿੱਚ ਦੋਹਾਂ ਜੀਆਂ ਦੀ ਮੌਤ ਹੋ ਗਈ।

ਸੁਨੀਲ ਕੁਮਾਰ ਅਤੇ ਵਿਨੀਤਾ ਅਪਣੇ ਪਿੱਛੇ ਦੋ ਛੋਟੇ ਛੋਟੇ ਬਚਿੱਆ ਨੂੰ ਛੱਡ ਗਏ ਹਨ। ਉਹਨਾਂ ਦੀ ਮੌਤ ਤੇ ਸਾਰੇ ਸ਼ਹਿਰ ਵਿੱਚ ਦੁੱਖ ਦੀ ਲਹਿਰ ਦੋੜ ਗਈ ਹੈ ਅਤੇ ਅੱਜ ਸਵੇਰੇ 9-00ਵਜੇ ਉਹਨਾਂ ਦਾ ਅਤਿੰਮ ਸੰਸਕਾਰ ਕੀਤਾ ਜਾਵੇਗਾ।