ਮੰਤਰੀ ਅਨਿਲ ਜੋਸ਼ੀ ਨੇ ਜਿਲਾ ਸ਼ਾਪਿੰਗ ਕੰਪਲੈਕਸ ਕੰਪਲੈਕਸ ਦਾ ਕੀਤਾ ਦੌਰਾ

ਅੰਮ੍ਰਿਤਸਰ, 21 ਦਸੰਬਰ (ਜਗਦੀਪ ਸਿੰਘ ਸੱਗੂ) ਪੰਜਾਬ ਦੇ ਸਥਾਨਕ ਸਰਕਾਰਾਂ ਬਾਰੇ ਮੰਤਰੀ ਸ੍ਰੀ ਅਨਿਲ ਜੋਸ਼ੀ ਵਲੋਂ ਰਣਜੀਤ ਐਵਨਿਊ ਸਥਿਤ ਡਿਸਟ੍ਰਿਕ ਸ਼ਾਪਿੰਗ ਕੰਪਲੈਕਸ ਦਾ ਦੌਰਾ ਕੀਤਾ ਅਤੇ ਇਲਾਕਾ ਵਾਸੀਆਂ ਤੇ ਦੁਕਾਨਦਾਰਾਂ ਦੀਆਂ ਮੁਸ਼ਕਲਾਂ ਸੁਣੀਆਂ ਅਤੇ ਸਬੰਧਤ ਅਧਿਕਾਰੀਆਂ ਨੂੰ ਮਾਰਕੀਟ ਦੇ ਪਿਛਲ਼ੇ ਪਾਸੇ ਪਾਰਕਿੰਗ ਠੀਕ ਕਰਨ ਅਤੇ ਇੱਕ ਬਾਥਰੂਮ ਬਣਉਣ ਦੀਆਂ ਹਦਾਇਤਾਂ ਦਿੱਤੀਆਂ।ਸ੍ਰੀ ਜੋਸ਼ੀ ਨੇ ਇਸ ਮੌਕੇ ਕਿਹਾ ਕਿ ਗਠਜੋੜ ਸਰਕਾਰ ਲੋਕਾਂ ਨੂੰ ਸੁਖ ਸਹੂਲਤਾਂ ਉਪਲੱਬਧ ਕਰਵਾਉਣ ਲਈ ਹਰ ਸੰਭਵ ਉਪਰਾਲਾ ਕਰ ਰਹੀ ਹੈ। ਉਨਾਂ ਕਿਹਾ ਕਿ ਪਰਕਿੰਗ ਠੀਕ ਹੋਣ ਅਤੇ ਬਾਥਰੂਮ ਬਨਣ ਨਾਲ ਮਾਰਕੀਟ ਵਿੱਚ ਆਉੁਣ ਵਾਲੇ ਗ੍ਰਾਹਕਾਂ ਤੋਂ ਇਲਾਵਾ ਦੁਕਾਨਦਾਰਾਂ ਨੂੰ ਵੱਡੀ ਰਾਹਤ ਮਿਲੇਗੀ। ਸ੍ਰੀ ਜੋਸ਼ੀ ਨੇ ਮਾਰਕੀਟ ਅੇਸੋਸੀਏਸ਼ਨ ਨੂੰ ਅਪੀਲ ਕੀਤੀ ਕਿ ਉਹ ਲੋੜੀਂਦੇ ਕੰਮ ਸਰਕਾਰ ਦੇ ਧਿਆਨ ਵਿੱਚ ਲਿਆਵੇ ਅਤੇ ਸਾਰੇ ਮਿਲ ਕੇ ਸਾਫ ਸਫਾਈ ਦਾ ਪੂਰਾ ਧਿਆਨ ਰੱਖਣ, ਕਿਉਂਕਿ ਲੋਕਾਂ ਦੇ ਸਹਿਯੋਗ ਤੋਂ ਬਿਨਾਂ ਸਰਕਾਰ ਦਾ ਕੋਈ ਵੀ ਕਾਰਜ਼ ਸਫਲ ਨਹੀਂ ਹੋ ਸਕਦਾ।ਇਸ ਮੌਕੇ ਜਤਿੰਦਰ ਨਾਗਪਾਲ, ਵੀਨ ਮਿੱਤਲ, ਨਮਿਸ਼ ਨਾਗਪਾਲ, ਪ੍ਰਿਪਾਲ ਸਿੰਘ ਫੌਜੀ, ਵਿਕਾਸ ਮਹਿਰਾ, ਆਸ਼ੀਸ਼ ਮੋਹਰਾ, ਅਮਰਦੀਪ ਸਿੰਘ ਬੇਦੀ, ਭੁਪਿੰਦਰ ਸਿੰਘ, ਵਿਕਰਾਂਤ, ਮੋਹਨ ਸਿੰਘ ਅੜੀ, ਪਲਵਿੰਦਰ ਕੁਮਾਰ ਅਤੇ ਗੌਰਾਂਗ ਆਦਿ ਮੌਜੂਦ ਸਨ।