ਸਾਹਿਤ ਅਕੈਡਮੀ ਦੇ ਅੰਤ੍ਰਿੰਗ ਬੋਰਡ ਦੇ ਮੈਂਬਰ ਬਣਨ ਤੇ ਭੁਪਿੰਦਰ ਸੰਧੂ ਸਨਮਾਨਿਤ

ਅੰਮ੍ਰਿਤਸਰ, 8 ਮਈ (ਦੀਪ ਦਵਿੰਦਰ ਸਿੰਘ) – ਪੰਜਾਬੀ ਭਾਸ਼ਾ, ਸਾਹਿਤ ਅਤੇ ਸਭਿਆਚਾਰ ਦੇ ਖੇਤਰ ‘ਚ ਨਿਰੰਤਰ ਕਾਰਜ਼ਸ਼ੀਲ ਪੰਜਾਬੀ ਲੇਖਕਾਂ ਦੀ ਬਹੁ-ਵਕਾਰੀ ਸੰਸਥਾ ਪੰਜਾਬੀ ਸਾਹਿਤ ਅਕੈਡਮੀ ਲੁਧਿਆਣਾ ਦੀ ਚੋਣ ‘ਚ ਭੁਪਿੰਦਰ ਸੰਧੂ ਦੇ ਅੰਤ੍ਰਿੰਗ ਬੋਰਡ ਦੇ ਮੈਂਬਰ ਚੁਣੇ ਜਾਣ ਤੇ ਅੱਜ ਸਥਾਨਕ ਆਤਮ ਪਬਲਿਕ ਸਕੂਲ ਇਸਲਾਮਾਬਾਦ ਵਿਖੇ ਉਹਨਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਜਨਵਾਦੀ ਲੇਖਕ ਸੰਘ ਦੇ ਪ੍ਰਧਾਨ ਸ੍ਰੀ ਦੇਵ ਦਰਦ, ਜਨ: ਸਕੱਤਰ ਦੀਪ ਦਵਿੰਦਰ ਸਿੰਘ ਨੇ ਇਸ ਮੌਕੇ ਸ੍ਰੀ ਸੰਧੂ ਨੂੰ ਵਧਾਈ ਦਿੰਦਿਆ ਕਿਹਾ ਕਿ ਲਿਖਣ ਕਾਰਜ਼ ਦੇ ਨਾਲ ਨਾਲ ਜਥੇਬੰਧਕ ਕਾਰਜ਼ਾਂ ਵਿੱਚ ਹਿੱਸਾ ਲੈ ਕੇ ਭਾਸ਼ਾ ਅਤੇ ਸਾਹਿਤ ਦੇ ਚੰਗੇਰੇ ਭਵਿੱਖ ਲਈ ਸਾਨੂੰ ਯਤਨਸ਼ੀਲ ਰਹਿਣਾ ਚਾਹੀਦਾ ਹੈ। ਇਸ ਸਮੇਂ ਹੋਰਨਾਂ ਤੋਂ ਇਲਾਵਾ ਹਰਮੀਤ ਆਰਟਿਸਟ, ਗੁਰਦੇਵ ਸਿੰਘ ਮਹਿਲਾਂ ਵਾਲਾ, ਮਾਸਟਰ ਗੁਰਦੇਵ ਸਿੰਘ ਭਰੋਵਾਲ, ਰਛਪਾਲ ਰੰਧਾਵਾ, ਇੰਜੀ: ਨਰੇਸ਼ ਕੁਮਾਰ ਸਹਿਣੇਵਾਲੀ, ਪ੍ਰਿੰ: ਟੀਨਾ ਸ਼ਰਮਾ, ਸ਼੍ਰੀ ਸ਼ੁਭਾਸ਼ ਪਰਿੰਦਾ, ਅੰਕਿਤਾ ਸਹਿਦੇਵ, ਅਮਿਤ ਅਰੋੜਾ, ਚਿੱਤਰਕਾਰਾ ਪਰਮਜੀਤ ਕੌਰ, ਗਾਇਕਾ ਦਲਜੀਤ ਕੌਰ, ਮੈਡਮ ਪੂਜਾ ਸ਼ਰਮਾ, ਆਰ.ਐਲ.ਬਜ਼ਾਜ ਅਤੇ ਬੁੱਤ ਤਰਾਸ਼ ਬਲਦੇਵ ਇੰਦਰ ਸਿੰਘ ਤੋਂ ਇਲਾਵਾ, ਸਕੂਲ ਦਾ ਸਟਾਫ, ਵਿਦਿਆਰਥੀ ਅਤੇ ਹੋਰ ਵਿਦਵਾਨ ਹਾਜ਼ਰ ਸਨ।