ਮਾਡਰਨ ਆਈ ਟੀ ਆਈ ਵਿਖੇ ਰੋਜ਼ਗਾਰ ਮੇਲਾ 13 ਅਤੇ 17 ਮਈ ਨੂੰ

ਬਠਿੰਡਾ, 10 ਮਈ (ਜਸਵਿੰਦਰ ਸਿੰਘ ਜੱਸੀ, ਅਵਤਾਰ ਸਿੰਘ ਕੈਂਥ)- ਬਠਿੰਡਾ ਮਾਨਸਾ ਰੋਡ ਤੇ ਸਥਿਤ ਮਾਡਰਨ ਆਈ ਟੀ ਆਈ ਬਠਿੰਡਾ ਵਿਖੇ ਵਿਦਿਆਰਥੀਆਂ ਨੂੰ ਰੋਜ਼ਗਾਰ ਮਹੁੱਈਆ ਕਰਵਾਉਣ ਲਈ ਵਿਸ਼ੇਸ਼ ਰੋਜ਼ਗਾਰ ਮੇਲਾ 13 ਅਤੇ 17 ਮਈ ਨੂੰ ਲਗਾਇਆ ਜਾ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸੰਸਥਾ ਦੇ ਐਮ.ਡੀ. ਸ੍ਰੀ ਅਮਿਤ ਜਿੰਦਲ ਨੇ ਦੱਸਿਆ ਇਸ ਰੁਜ਼ਗਾਰ ਮੇਲੇ ਵਿਚ ਫਿਟਰ, ਵੈਲਡਰ, ਡੀਜ਼ਲ ਮਕੈਨੀਕ, ਇਲੈਕਟ੍ਰੀਸ਼ਨ, ਪਲੰਬਰ ਮਸ਼ੀਨੀਅਟ ਮੋਟਰ ਮਕੈਨਿਕ ਟਰਨਰ ਆਦਿ ਟਰੇਡਾਂ ਦੇ ਪਾਸ ਆਉਟ ਵਿਦਿਆਰਥੀਆਂ ਦੀ ਵੱਖ- ਵੱਖ ਕੰਪਨੀਆਂ ਵੱਲੋਂ ਭਰਤੀ ਕੀਤੀ ਜਾਵੇਗੀ। ਸ੍ਰੀ ਜਿੰਦਲ ਨੇ ਦੱਸਿਆ ਕਿ ਇਸ ਲਈ ਰਜ਼ਿਸਟਰੇਸ਼ਨ ਮੁਫਤ ਹੋਵੇਗੀ ਪਰ ਵਿਦਿਆਰਥੀਆਂ ਨੂੰ ਸਵੇਰੇ 9 ਵਜੇ ਆਪਣੇੇ ਕਾਗਜਾਤਾਂ ਸਮੇਤ ਪੁੱਜਣਾ ਹੋਵੇਗਾ।