ਨਸ਼ੇ ਨੇ ਨਿਗਲ ਲਿਆ ਇਕ ਨੌਜਵਾਨ..!

ਸਰਕਾਰ ਨਸ਼ੇੜੀਆਂ ਨੂੰ ਫੜ ਕੇ ਕਰਦੀ ਹੈ, ਨਸ਼ਾ ਵਿਕਰੇਤਾਵਾਂ ਦੀ ਪੁਸ਼ਤ ਪਨਾਹੀ – ਪੀੜ੍ਹਤ ਪਿਤਾ

ਪੱਟੀ, 23 ਮਈ (ਅਵਤਾਰ ਸਿੰਘ ਢਿੱਲੋਂ, ਰਣਜੀਤ ਮਾਹਲਾ) – ਸ਼ਹਿਰ ਵਿਚ ਪਿਛਲੇ ਕੁੱਝ ਸਾਲਾਂ ਤੋਂ ਸ਼ਰੇਆਮ ਨਸ਼ਾ ਵਿੱਕ ਰਿਹਾ ਹੈ ਅਤੇ ਕਈ ਨੋਜਵਾਨ ਨਸ਼ੇ ਦੀ ਭੇਂਟ ਚੜ੍ਹ ਚੁੱਕੇ ਹਨ।ਪੁਰਾਣੀ ਕੈਰੋਂ ਰੋਡ ਪੱਟੀ ਸਥਿਤ ਗੁਰਦਵਾਰੇ ਵਾਲੀ ਗਲੀ ਵਿਚ ਪਿਛਲੇ ਲੰਮੇ ਸਮੇਂ ਤੋ ਨਸ਼ਾ ਕਰ ਰਹੇ ਇੱਕ ਨੌਜਵਾਨ ਦੀ ਬੀਤੀ ਰਾਤ ਮੌਤ ਹੋ ਗਈ।ਲੜਕੇ ਦੇ ਪਿਤਾ ਜਸਵੰਤ ਸਿੰਘ ਨੇ ਦੱਸਿਆ ਕਿ ਉਸ ਦਾ 32 ਸਾਲਾ ਲੜਕਾ ਸੋਨੂੰ ਪਿਛਲੇ ਲੰਮੇ ਸਮੇਂ ਤੋ ਨਸ਼ਾ ਕਰਨ ਦਾ ਆਦੀ ਸੀ ਤੇ ਬੀਤੀ ਰਾਤ ਨਸ਼ਾ ਹੀ ਉਸ ਨੂੰ ਨਿਗਲ ਗਿਆ।ਜਸਵੰਤ ਸਿੰਘ ਨੇ ਦੁਖੀ ਮਨ ਨਾਲ ਕਿਹਾ ਕਿ ਅਨੇਕਾਂ ਹੀ ਨੌਜਵਾਨ ਨਸ਼ੇ ਦੀ ਭੇਂਟ ਚੜ ਚੁੱਕੇ ਹਨ ਅਤੇ ਹੁਣ ਉਨਾਂ ਦੇ ਮਾਪੇ ਇਸ ਗੱਲ ਨੂੰ ਛੁਪਾਉਂਦੇ ਨਹੀ ਬਲਕਿ ਉਚੀ ਉਚੀ ਪੁਕਾਰਦੇ ਹਨ ਕਿ ਸਰਕਾਰਾਂ ਨਸ਼ਿਆਂ ਦੇ ਖਾਤਮੇ ਲਈ ਨਸ਼ੇ ਦੇ ਵਿਕਰੇਤਾਵਾਂ ਦੀ ਪੁਸ਼ਤ ਪਨਾਹੀ ਬੰਦ ਕਰੇ ਅਤੇ ਨਸ਼ੇੜੀਆਂ ਨੂੰ ਫੜਣ ਦੀ ਬਜਾਏ ਨਸ਼ੇ ਦੇ ਵਪਾਰੀਆਂ ਖਿਲਾਫ ਕਾਰਵਾਈ ਕਰੇ ।