ਮੋਦੀ ਸਰਕਾਰ ਦੇ ਅੱਛੇ ਦਿਨਾਂ ਦੀ ਆਉਟਪੁਟ ਮਾਈਨਸ ਜੀਰੋ ਸਰਦੂਲ ਸਿੰਘ

ਪੱਟੀ 3 ਜੂਨ (ਰਣਜੀਤ ਸਿੰਘ ਮਾਹਲਾ, ਅਵਤਾਰ ਸਿੰਘ ਢਿਲੋਂ) – ਮੋਦੀ ਸਰਕਾਰ ਵੱਲੋਂ 2 ਸਾਲ ਪੂਰੇ ਕੀਤੇ ਜਾਣ ਤੇ ਕਰੋੜਾਂ ਰੁਪਏ ਇਸ਼ਤਿਹਾਰਾਂ ਉਪਰ ਨਜਾਇਜ਼ ਖਰਚੇ ਜਾ ਰਹੇ ਹਨ, ਜਦ ਕਿ ਅੱਛੇ ਦਿਨਾ ਦੀ ਆਉਟਪੁੱਟ ਮਾਈਨਸ ਜੀਰੋ ਹੈ। ਇਹਨਾ ਸ਼ਬਦਾ ਦਾ ਪ੍ਰਗਟਾਵਾ ਸਰਦੂਲ ਸਿੰਘ ਬਲਾਕ ਪ੍ਰਧਾਨ ਪੱਟੀ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕੀਤਾ ।ਉਹਨਾ ਕਿਹਾ ਕਿ ਅੰਮ੍ਰਿਤਸਰ ਤੋ ਦਿੱਲੀ ਦਾ ਕਿਰਾਇਆਂ ਜੋ ਪਹਿਲਾ 90 ਰੁਪਏ ਹੁੰਦਾ ਸੀ, ਉਹ ਮੋਦੀ ਸਰਕਾਰ ਦੇ ਕਾਰਜਕਾਲ ‘ਚ ਵਧਾ ਕੇ 155 ਰੁਪਏ ਕਰ ਦਿੱਤਾ ਗਿਆਂ ਹੈ।ਮੋਦੀ ਸਰਕਾਰ ਵਪਾਰਕ ਘਰਾਣਿਆ ਦਾ 64 ਹਜਾਰ ਕਰੋੜ ਟੈਕਸ ਮੁਆਫ ਕਰ ਸਕਦੇ ਹਨ, ਪਰ ਆਤਮ ਹੱਤਿਆ ਕਰ ਰਹੇ ਕਿਸਾਨਾ ਦਾ 15 ਹਜਾਰ ਕਰੋੜ ਦਾ ਕਰਜਾ ਨਹੀ ਮਾਫ ਕਰ ਸਕਦੀ।ਉਹਨਾ ਕਿਹਾ ਕਿ ਡਾ. ਮਨਮੋਹਨ ਸਿੰਘ ਦੀ ਸਰਕਾਰ ਸਮੇਂ ਅੰਤਰਰਾਸ਼ਟਰੀ ਬਜਾਰ ‘ਚ ਕੱਚੇ ਤੇਲ ਦੀ ਕੀਮਤ 119 ਡਾਲਰ ਬੈਲਿਰ ਸੀ ਉਸ ਸਮੇਂ ਪਟਰੋਲ ਦੀ ਕੀਮਤ 67 ਰੁਪਏ ਪ੍ਰਤੀ ਲੀਟਰ ਸੀ ਜਦਕਿ ਹੁਣ ਕੱਚੇ ਤੇਲ ਦੀ ਕੀਮਤ ਸਿਰਫ 30 ਡਾਲਰ ਪ੍ਰਤੀ ਬੈਰਿਲ ਹੈ, ਪਰ ਤੇਲ ਦੀ ਕੀਮਤ 60 ਰੁਪਏ ਪ੍ਰਤੀ ਲੀਟਰ ਤੋ ਥੱਲੇ ਨਹੀ ਆਈ। ਉਹਨਾ ਕਿਹਾ ਕਿ ਮੋਦੀ ਸਰਕਾਰ ਨੇ 100 ਕਰੋੜ ਦੀ ਸਬਸਿਡੀ ਖਤਮ ਕਰਨ ਲਈ 250 ਕਰੋੜ ਇਸਤਿਹਾਰਾਂ ‘ਤੇ ਲਗਾ ਦਿੱਤੇ। ਉਹਨਾ ਨੇ ਕਿਹਾ ਕਿ ਇਸ ਤਰ੍ਹਾਂ ਲੋਕਾ ਤੋ ਟੈਕਸ ਦੇ ਰੂਪ ਵਿੱਚ ਇਕੱਠੇ ਕੀਤੇ ਪੈਸੇ ਦੀ ਮੋਦੀ ਸਰਕਾਰ ਦੁਰਵਰਤੋ ਕੀਤੀ ਜਾ ਰਹੀ ਹੈ।