ਡੀ.ਏ.ਵੀ ਕਾਲਜ ਦੇ ਵਿਦਿਆਰਥੀਆਂ ਨੇ ਯੂਨੀਵਰਸਿਟੀ ਮੈਰਿਟ ‘ਚ ਹਾਸਲ ਕੀਤੇ ਅਹਿਮ ਸਥਾਨ

ਅੰਮ੍ਰਿਤਸਰ, ਜੁਲਾਈ 28 (ਜਗਦੀਪ ਸਿੰਘ ਸੱਗੂ) – ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵਲੋਂ ਬੀ.ਐਮ.ਐਮ (ਮਲਟੀਮੀਡਿਆ)-ਸਮੈਸਟਰ 4, ਬੀ.ਸੀ.ਏ-ਸਮੈਸਟਰ 2 ਅਤੇ ਬੀ.ਐਸ.ਸੀ (ਆਈ.ਟੀ) ਸਮੈਸਟਰ-4 ਦੇ ਐਲਾਨੇ ਗਏ ਨਤੀਜਿਆਂ ਵਿੱਚ ਕਾਲਜ ਦੇ ਵਿਦਿਆਰਥੀਆਂ ਨੇ ਮੈਰਿਟ ਵਿੱਚ ਸਥਾਨ ਹਾਸਲ ਕੀਤਾ ਹੈ।ਕਾਲਜ ਪ੍ਰਿੰਸੀਪਲ ਡਾ. ਰਾਜੇਸ਼ ਕੁਮਾਰ ਸਮੇਤ ਕੰਪਿਊਟਰ ਸਾਇੰਸ ਵਿਭਾਗ ਦੇ ਮੁਖੀ ਡਾ. ਅਮਰਦੀਪ ਗੁਪਤਾ ਤੇ ਪ੍ਰੋ. ਸੰਦੀਪ ਕੁਮਾਰ ਨੇ ਸਾਰੇ ਵਿਦਿਆਰਥੀਆਂ ਅਤੇ ਉਨ੍ਹਾਂ ਦੇ ਅਧਿਆਪਕਾਂ ਤੇ ਮਾਪਿਆਂ ਨੂੰ ਇਸ ਪ੍ਰਾਪਤੀ ‘ਤੇ ਵਧਾਈ ਦਿੱਤੀ ਅਤੇ ਵਿਦਿਆਰਥੀਆਂ ਨੂੰ ਭਵਿੱਖ ਵਿੱਚ ਅਤੇ ਅੱਗੇ ਵਧਣ ਦੀ ਪ੍ਰੇਰਨਾ ਕੀਤੀ।ਬੀ.ਐਮ.ਐਮ-ਸਮੈਸਟਰ 4 ਦੀ ਵਿਦਿਆਰਥਣ ਸੋਨਾਲੀ ਸਚਦੇਵਾ, ਰਸ਼ਮੀ ਮਹਾਜਨ, ਮਨੀਸ਼ ਨਾਗ, ਬੀ.ਸੀ.ਏ-ਸਮੈਸਟਰ 2 ਦੇ ਵਿਦਿਆਰਥੀ ਸ਼ੁਭਮ ਮਹਾਜਨ, ਵਿਸ਼ਨੂੰ ਮਦਾਨ, ਦਿਸ਼ਾ ਗੁਪਤਾ, ਕੁੰਦਨ ਲਾਲ, ਪ੍ਰਣਵ ਮਹਾਜਨ ਅਤੇ ਬੀ.ਐਸ.ਸੀ (ਆਈ.ਟੀ) ਸਮੈਸਟਰ-4 ਦੀ ਵਿਦਿਆਰਥਣ ਦਿਵਿਆ ਤੇ ਅਰਸ਼ਦੀਪ ਚੌਹਾਨ ਨੇ ਯੂਨੀਵਰਸਿਟੀ ਦੀ ਮੈਰਿਟ ‘ਚ ਸਥਾਨ ਪ੍ਰਾਪਤ ਕਰ ਕੇ ਕਾਲਜ ਦਾ ਨਾਮ ਰੋਸ਼ਨ ਕੀਤਾ ਹੈ।