ਆਪ ਵਲੋਂ ਐਲ.ਸੀ.ਡੀ ਵਾਲੇ ਟੇੈਂਪੂ ’ਤੇ ਉਚਾਈ ਵਾਲੇ ਗੁਬਾਰੇ ਲਗਾ ਕੇ ਪ੍ਰਚਾਰ ਸ਼ੁਰੂ

ਬਠਿੰਡਾ, 24 ਦਸੰਬਰ (ਅਵਤਾਰ ਸਿੰਘ ਕੈਂਥ, ਜਸਵਿੰਦਰ ਸਿੰਘ ਜੱਸੀ) – ਆਮ ਆਦਮੀ ਪਾਰਟੀ ਬਠਿੰਡਾ ਸ਼ਹਿਰੀ ਉਮੀਦਵਾਰ ਦੀਪਕ ਬਾਂਸਲ ਆਪਣੇ ਚੁਨਾਵ ਪ੍ਰਚਾਰ ਨੂੰ ਨਵੇਂ ਅੰਦਾਜ ਵਿੱਚ ਕਰਵਾ ਰਹੇ ਹਨ। ਇਹ ਪ੍ਰਚਾਰ ਉਹ ਐਲ ਸੀ ਡੀ ਵਾਲੇ ਟੇੈਂਪੂ ਤਿਆਰ ਕਰਕੇ,ਉਚਾਈ ਵਾਲੇ ਗੁਬਾਰੇ ਲਗਾਕੇ, ਪਰੋਜੈਕਟਰ ਚਲਾਕੇ ਕਰਵਾ ਰਹੇ ਹਨ। ਹੁਣ ਇਸ ਵਿੱਚ ਨਵਾ ਢੰਗ ਜ਼ੋੜਦੇ ਹੋਏ ਉਨਾਂ ਨੇ ਬੈਟਰੀ ਨਾਲ ਚੱਲਣ ਵਾਲੇ ਈ-ਰਿਕਸ਼ਾ ਤਿਆਰ ਕਰਵਾਏ ਹਨ।ਇਸ ਨਾਲ ਵਾਤਾਵਰਣ ਵੀ ਪ੍ਰਦੂਸ਼ਿਤ ਨਹੀ ਹੋਵੇਗਾ ਨਾ ਹੀ ਸ਼ੋਰ ਸ਼ਰਾਬਾ ਹੋਵੇਗਾ।ਇਨਾਂ ਰਿਕਸ਼ਿਆਂ ਨੂੰ ਦੀਪਕ ਬਾਂਸਲ ਨੇ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ।ਇਸ ਮੋਕੇ ਉਨਾਂ ਕਿਹਾ ਕਿ ਬਾਕੀ ਪਾਰਟੀਆਂ ਵੀ ਉਨਾਂ ਦੀ ਨਕਲ ਕਰ ਰਹੇ ਹਨ, ਪਰ ਆਮ ਆਦਮੀ ਪਾਰਟੀ ਹੁਣ ਲੋਕਾਂ ਦੇ ਦਿਲਾਂ ਵਿੱਚ ਵਸਦੀ ਹੈ ਅਤੇ ਇਸ ਵਾਰ ਲੋਕ ਆਮ ਆਦਮੀ ਪਾਰਟੀ ਦੇ ਹੱਕ ਵਿੱਚ ਫਤਵਾ ਦੇਣਗੇ।ਇਸ ਮੋਕੇ ਉਨਾਂ ਦੇ ਨਾਲ ਅਨਿਲ ਠਾਕੁਰ, ਕਰਨਲ ਗੁਰਦੇਵ ਸਿੰਘ, ਮਨਪ੍ਰੀਤ ਸਿੰਘ, ਰਾਮਫਲ, ਪੰਕਜ ਮਹੇਸ਼ਵਰੀ, ਬਲਦੇਵ ਬਰਾੜ, ਅਤੇ ਹੋਰ ਵਰਕਰ ਮੋਜੂਦ ਸਨ।