ਹੀਰੋ ਬਣਿਆ ਗੱਟੂ ਡੋਰ ਦੀ ਲੋਹੜੀ ਬਾਲਣ ਵਾਲਾ ਸਾਹਿਲ ਸ਼ਰਮਾ

ਛੇਹਰਟਾ, 12 ਜਨਵਰੀ (ਸੁਖਬੀਰ ਸਿੰਘ ਖੁਰਮਣੀਆ)  – ਐਵਰਗਰੀਨ ਮਾਡਰਨ ਸਕੂਲ ਦੇ ਵਿਹੜੇ ਵਿਚ ਲੋਹੜੀ ਬਲ ਰਹੀ ਸੀ ਤਾਂ ਵਾਈਸ ਪ੍ਰਿੰ. ਗੀਤਾ ਸ਼ਰਮਾ ਦੇ ਬੇੇਟੇ ਸਾਹਿਲ ਸ਼ਰਮਾ ਨੇ ਚਾਈਨਾ ਡੋਰ ਦਾ ਗੱਟੂ ਅਗਨ ਭੇਂਟ ਕਰ ਦਿੱਤਾ।ਸਮੂਹ ਵਿਦਿਆਰਥੀਆਂ ਲਈ ਹੀਰੋ ਬਣੇ 7ਵੀਂ ਜਮਾਤ ਦੇ ਸਾਹਿਲ ਸ਼ਰਮਾ ਨੇ ਕਿਹਾ ਕਿ ਬੀਤੇ ਦਿਨੀਂ ਅਲਫਾਜ਼ ਐਕਟਿੰਗ ਅਕੈਡਮੀ ਵਲੋਂ ਸਕੂਲ ਦੇ ਵਿਹੜੇ ਵਿਚ ਖੇਡੇ ਗਏ ਨਾਟਕ ਤੋਂ ਪ੍ਰਭਾਵਿਤ ਹੋ ਕੇ ਹੀ ਉਸ ਨੇ ਗੱਟੂ ਡੋਰ ਦੀ ਲੋਹੜੀ ਬਾਲੀ ਹੈ।ਗੱਟੂ ਡੋਰ ਅਗਨ ਭੇਂਟ ਕਰਨ ਤੇ ਸਮੂਹ ਵਿਦਿਆਰਥੀਆਂ ਨੇ ਤਾੜੀਆਂ ਵਜਾ ਕੇ ਸਾਹਿਲ ਦੀ ਹੌਂਸਲਾ ਅਫਜਾਈ ਕੀਤੀ।