ਮੁੱਖ ਮੰਤਰੀ ਬਾਦਲ ਦੇ ਜੁਤੀ ਮਾਰ ਕੇ ਆਪਣਾ ਰੋਸ ਜਾਹਿਰ ਕਰਨਾ ਜਾਇਜ਼ ਕਰਾਰ

ਭਿਖੀਵਿੰਡ, 14 ਜਨਵਰੀ (ਗੁਰਪ੍ਰਤਾਪ ਸਿੰਘ ਜੱਜ, ਕੰਬੋਕੇ) – ਲੰਬੀ ਹਲਕੇ ਦੇ ਪਿੰਡ ਛੋਟਾ ਰੱਤਾ ਖੇੜਾ ਵਿਖੇ ਚੋਣ ਪ੍ਰਚਾਰ ਦੋਰਾਨ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ

ਇੱਕ ਸਿਖ ਨੋਜਵਾਨ ਗੁਰਬਚਨ ਸਿੰਘ ਵਲੋ ਜੁੱਤੀ ਮਾਰਨ ਦੀ ਘਟਨਾ ਨੂੰ ਜਾਇਜ਼ ਕਰਾਰ ਦਿੰਦਿਆਂਂ ਸ਼੍ਰੋਮਣੀ ਅਕਾਲੀ ਦਲ (ਅ) ਦੇ ਸੰਗਠਨ ਪ੍ਰਧਾਨ ਭਾਈ ਬੂਟਾ ਸਿੰਘ ਖਾਲਿਸਤਾਨੀ ਨੇ ਕਿਹਾ ਹੈ ਕਿ ਗੁਰੂ ਗਰੰਥ ਸਹਿਬ ਜੀ ਦੀ ਜਿੰਨੀ ਬੇਅਦਬੀ ਅਕਾਲੀ ਸਰਕਾਰ ਦੇ ਰਾਜ ਦੋਰਾਨ ਹੋਈ ਹੈ, ਐਨੀ ਸ਼ਾਇਦ ਕਾਂਗਰਸ ਵੇਲੇ ਨਹੀ ਹੋਈ। ਉਨਾਂ ਕਿਹਾ ਕਿ ਜੇ ਇਦਰਾਂ ਗਾਧੀ ਨੇ ਦਰਬਾਰ ਸਹਿਬ ਢਹਿ ਢੇਰੀ ਕਰਵਾਇਆ ਸੀ, ਤਾਂ ਉਸ ਨੂੰ ਉਸ ਦੀ ਸਜ਼ਾ ਦਿੱਤੀ ਗਈ ਸੀ, ਪਰ ਬਾਦਲ ਰਾਜ ਦੋਰਾਨ ਜੇ ਸਿੱਖ ਜਥੇਬੰਦੀਆਂ ਨੇ ਦੋਸ਼ੀਆ ਨੂੰ ਗ੍ਰਿਫਤਾਰ ਕਰਨ ਲਈ ਧਰਨੇ ਦਿੱਤੇ ਤਾਂ ਸਿੱਖਾਂ `ਤੇ ਗੋਲੀ ਚਲਾਈ ਗਈ ਜਾਂ ਫਿਰ ਡਾਗਾਂ ਵਰਾਈਆਂ ਗਈਆਂ।ਉਨਾਂ ਕਿਹਾ ਕਿ ਗੁਰੂ ਦੀ ਬੇਅਦਬੀ ਲਈ ਅਕਾਲੀ ਸਰਕਾਰ ਜਿੰਮੇਵਾਰ ਹੈ ਅਤੇ ਅਕਾਲੀ ਮੰਤਰੀਆਂ `ਤੇ ਲੋਕਾਂ ਦਾ ਰੋਸ ਤੇ ਗੁੱਸਾ ਜਾਇਜ਼ ਹੈ।