ਐਕਸੀਡੈਂਟ `ਚ ਸਕੂਲ ਦੀ ਅਧਿਆਪਕਾ ਜ਼ਖਮੀ

ਧੂਰੀ, 19 ਜਨਵਰੀ (ਪ੍ਰਵੀਨ ਗਰਗ) – ਸਥਾਨਕ ਬੇਨੜਾ ਵਿਖੇ ਲੱਗੇ ਟੋਲ ਪਲਾਜਾ ਦੇ ਕੋਲ ਬਸੰਤ ਵੈਲੀ ਸਕੂਲ ਲੱਡਾ ਦੀ ਅਧਿਆਪਕਾ ਵਿਪਨ ਅਮਨ ਪਤਨੀ ਗੁਰਮੀਤ ਸਿੰਘ ਵਾਸੀ ਧੂਰੀ ਦਾ ਐਕਸੀਡੈਂਟ ਹੋਣ ਨਾਲ ਜ਼ਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਧਿਆਪਕਾ ਤਕਰੀਬਨ 4.30 ਵਜੇ ਬੱਸ ਲੈਣ ਲਈ ਜਾ ਰਹੀ ਸੀ ਤਾਂ ਪਿੱਛੋ ਤੇਜ਼ ਰਫਤਾਰ ਨਾਲ ਆ ਰਹੀ ਚਿੱਟੇ ਰੰਗ ਦੀ ਸਵੀਫਟ ਗੱਡੀ ਨੰਬਰ ਪੀ.ਬੀ.10 ਈ .ਆਰ.1983 ਨੇ ਅਧਿਆਪਕਾ ਨੂੰ ਟੱਕਰ ਮਾਰੀ, ਜਿਸ ਨਾਲ ਉਹ ਗੱਡੀ ਦੇ ਮੂਹਰਲੇ ਸ਼ੀਸ਼ੇ ਤੇ ਜਾ ਡਿੱਗੀ।ਇਸ ਹਾਦਸੇ ਸਬੰਧੀ ਏ.ਐਸ.ਆਈ ਸਰਬਜੀਤ ਸਿੰਘ ਨੇ ਦੱਸਿਆ ਕਿ ਸੰਗਰੂਰ ਤੋ ਆ ਰਹੀ ਗੱਡੀ ਸਮਰਾਲਾ ਨਿਵਾਸੀ ਦੀ ਸੀ, ਜਿਸ ਨਾਲ ਵਿਪਨ ਅਮਨ ਵਾਸੀ ਧੂਰੀ ਬਹੁਤ ਗੰਭੀਰ ਰੂਪ ਵਿੱਚ ਜ਼ਖਮੀ ਹੈ, ਜੋ ਬਿਆਨ ਦੇਣ ਦੇ ਕਾਬਿਲ ਨਹੀ ਹੈ ਅਤੇ ਸੱਟਾਂ ਜਿਆਦਾ ਲੱਗਣ ਕਰਕੇ ਉਹ ਡੀ.ਐਮ.ਸੀ ਲੁਧਿਆਣਾ ਵਿਖੇ ਦਾਖਲ ਹੈ।