ਸ੍ਰੀ ਗੁਰੂ ਹਰਿਕ੍ਰਿਸ਼ਨ ਸੀਨੀ: ਸੈਕੰ: ਸਕੂਲ ਵਿਖੇ ਇੰਨਟਰੈਕਸਨ ਕਮ ਓਰੀਐਂਨਟੇਸ਼ਨ ਸੈਮੀਨਾਰ

ਅੰਮ੍ਰਿਤਸਰ, 25 ਮਾਰਚ (ਪੰਜਾਬ ਪੋਸਟ  ਜਗਦੀਪ ਸਿੰਘ ਸੱਗੂ)- ਸ੍ਰੀ ਗੁਰੂ ਹਰਿਕ੍ਰਿਸ਼ਨ ਸੀਨੀਅਰ ਸੈਕੰਡਰੀ ਪਬਲਿਕ ਸਕੂਲ, ਸੁਲਤਾਨਵਿੰਡ ਲਿੰਕ ਰੋਡ ਵਿਖੇ ਤੀਜੀ ਜਮਾਤ ਦਾ ਇੰਨਟਰੈਕਸਨ ਕਮ ਓਰੀਐਂਨਟੇਸ਼ਨ ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ।ਇਸ ਪ੍ਰੋਗਰਾਮ ਵਿੱਚ ਚੀਫ ਖਾਲਸਾ ਦੀਵਾਨ ਚੈਰੀਟੇਬਲ ਸੋਸਾਇਟੀ ਦੇ ਅਧੀਨ ਆਉਂਦੇ ਵੱਖ-ਵੱਖ ਸਕੂਲਾਂ ਦੇ ਅਧਿਆਪਕਾਂ ਨੇ ਭਾਗ ਲਿਆ।ਇਸ ਪ੍ਰੋਗਰਾਮ ਦਾ ਆਗਾਜ਼ ਸਕੂਲ ਸ਼ਬਦ ਗਾਇਣ ਕਰਕੇ ਕੀਤਾ ਗਿਆ।ਇਸ ਸੈਮੀਨਾਰ ਦਾ ਮੁੱਖ ਮੰਤਵ ਸੀ ਕਿ ਵਿਦਿਆਰਥੀਆਂ ਦਾ ਪੜਾਈ ਵੱਲ ਰੁਝਾਨ ਕਿਵੇਂ ਵਧਾਇਆ ਜਾਵੇ ।  ਸੈਮੀਨਾਰ `ਚ ਵੱਖ-ਵੱਖ ਵਿਸ਼ਿਆਂ ਬਾਰੇ  ‘ਨੈਤਿਕ ਸਿੱਖਿਆ’, ‘ਲਿਖਾਈ ਕਿਵੇ ਸੁਧਾਰੀ ਜਾਵੇ’, ‘ਗਤੀਵਿਧੀਆਂ ਰਾਹੀ ਪੜਾਈ’, ‘ਪ੍ਰੋਜੈਕਟ ਦਾ ਕੰਮ’, ‘ਅਧਿਆਪਕਾਂ ਦੀ ਪੜਾਉਣ ਦੀ ਵਿਧੀ’, ‘ਇਮਤਿਹਾਨਾਂ ਦੌਰਾਨ ਲਿਖਤੀ ਪੇਪਰ ਕਿਵੇਂ ਸੈਟ ਕੀਤਾ ਜਾਵੇ’ ਬਾਰੇ ਦਸਿਆ ਗਿਆ।ਅਧਿਆਪਕਾਂ ਨੂੰ ਇਸ ਮੌਕੇ ਤੇ ਵੱਖ-ਵੱਖ ਤਰ੍ਹਾਂ ਦੀਆਂ ਗਤੀਵਿਧੀਆਂ ਵੀ ਕਰਵਾਈਆਂ ਗਈਆਂ।ਸਕੂਲ ਪਿ੍ਰੰਸੀਪਲ ਸ੍ਰੀਮਤੀ ਅਮਰਜੀਤ ਕੌਰ ਨੇ ਆਏ ਹੋਏ ਅਧਿਆਪਕਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ।