Wednesday, November 18, 2026

ਦੋ ਟਰਾਲਿਆਂ ਦੀ ਟੱਕਰ ਵਿਚ ਇੱਕ ਜ਼ਖ਼ਮੀ

PPN1204201716ਫਾਜ਼ਿਲਕਾ, 12 ਅਪ੍ਰੈਲ (ਪੰਜਾਬ ਪੋਸਟ- ਵਿਨੀਤ ਅਰੋੜਾ)- ਸਥਾਨਕ ਅਨਾਜ਼ ਮੰਡੀ ਦੇ ਗੇਟ ਨੰਬਰ 2 ਦੇ ਨੇੜੇ ਅੱਜ ਸਵੇਰੇ ਦੋ ਟਰਾਲਿਆਂ (ਟਰੱਕ) ਦੇ ਵਿਚਕਾਰ ਹੋਈ ਟੱਕਰ ਵਿਚ ਇੱਕ ਵਿਅਕਤੀ ਜ਼ਖ਼ਮੀ ਹੋ ਗਿਆ।ਜਦਕਿ ਇੱਕ ਟਰਾਲਾ ਅਤੇ ਟਰੈਕਟਰ ਨੁਕਸਾਨੇ ਗਏ।ਸਥਾਨਕ ਸਿਵਲ ਹਸਪਤਾਲ ਵਿਚ ਇਲਾਜ ਲਈ ਭਰਤੀ ਪਰਮਜੀਤ ਸਿੰਘ (28) ਵਾਸੀ ਪਿੰਡ ਮਾਹਤਮ ਨਗਰ ਨੇ ਦੱਸਿਆ ਕਿ ਉਹ ਅੱਜ ਸਵੇਰੇ ਸ਼ਹਿਰ ਵਿਚ ਕਿਸੇ ਕੰਮ ਲਈ ਆਇਆ ਸੀ। ਉਸ ਨੇ ਦੱਸਿਆ ਕਿ ਜਦੋਂ ਉਹ ਸਥਾਨਕ ਅਨਾਜ਼ ਮੰਡੀ ਦੇ ਗੇਟ ਨੰਬਰ ਦੋ ਦੇ ਨੇੜੇ ਸੜ੍ਹਥ ਦੇ ਇੱਕ ਪਾਸੇ ਖੜ੍ਹਾ ਸੀ ਤਾਂ ਉਸਦੇ ਅੱਗੇ ਤੋਂ ਇੱਕ ਟਰਾਲੇ ਦਾ ਚਾਲਕ ਆਪਣਾ ਟਰਾਲਾ ਬੈਕ ਕਰ ਰਿਹਾ ਸੀ ਕਿ ਇਸੇ ਦੌਰਾਨ ਫਾਜ਼ਿਲਕਾ-ਅਬੋਹਰ ਰੋਡ ਵੱਲੋਂ ਇੱਕ ਹੋਰ ਟਰਾਲਾ ਆਇਆ ਅਤੇ ਸੜ੍ਹਕ ਦੇ ਇੱਕ ਪਾਸੇ ਪਸ਼ੁਆਂ ਦੇ ਪੱਠਿਆਂ ਵਾਲੀ ਟਾਲ ਦੇ ਨੇੜੇ ਖੜ੍ਹੇ ਟਰੈਕਟਰ ਟਰਾਲੀ ਦੇ ਨਾਲ ਟਕਰਾਉਂਦਾ ਹੋਇਆ ਬੈਕ ਹੋ ਰਹੇ ਟਰਾਲੇ ਦੇ ਵਿਚ ਜਾ ਵੱਜਿਆ।ਜਿਸ ਕਾਰਨ ਉਹ ਉਕਤ ਟਰਾਲਿਆਂ ਦੀ ਚਪੇਟ ਵਿਚ ਆਉਣ ਕਾਰਨ ਪਿੱਛੇ ਤੋਂ ਆ ਰਹੇ ਟਰਾਲੇ ਦੇ ਹੇਠਾਂ ਆ ਗਿਆ।ਜਿਸ `ਤੇ ਨੇੜਲੇ ਦੁਕਾਨਦਾਰਾਂ ਨੇ ਉਕਤ ਟਰਾਲੇ ਨੂੰ ਪਿੱਛੇ ਧੱਥਕੇ ਉਸਨੂੰ ਟਰਾਲੇ ਦੇ ਹੇਠੋਂ ਕੱਢਿਆ ਅਤੇ ਉਸ ਨੂੰ ਇਲਾਜ ਦੇ ਲਈ ਸਥਾਨਕ ਸਿਵਲ ਹਸਪਤਾਲ ਵਿਚ ਭਰਤੀ ਕਰਵਾਇਆ।ਜਦਕਿ ਇਸ ਟੱਕਰ ਵਿਚ ਪਿੱਛੇ ਤੋਂ ਆ ਕੇ ਵੱਜਣ ਵਾਲਾ ਟਰਾਲਾ ਅਤੇ ਸੜ੍ਹਕ ਦੇ ਇੱਕ ਪਾਸੇ ਖੜ੍ਹਾ ਟਰੈਕਟਰ ਨੁਕਸਾਨੇ ਗਏ।

Check Also

ਧਰਮ ਪ੍ਰਚਾਰ ਕਮੇਟੀ ਵੱਲੋਂ ਧਾਰਮਿਕ ਪ੍ਰੀਖਿਆ 17 ਅਤੇ 18 ਨਵੰਬਰ ਨੂੰ

ਅੰਮ੍ਰਿਤਸਰ, 16 ਨਵੰਬਰ (ਜਗਦੀਪ ਸਿੰਘ) – ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਧਰਮ ਪ੍ਰਚਾਰ ਕਮੇਟੀ ਵੱਲੋਂ …

Leave a Reply