ਫੋਨ `ਤੇ ਕੋਡ ਦੱਸਣ `ਤੇ ਬੈਂਕ ਅਕਾਊੁਂਟ ਵਿਚੋਂ ਨਿਕਲੇ 94000 ਰੁਪਏ- ਕੇਸ ਦਰਜ

ਫਾਜ਼ਿਲਕਾ, 12 ਅਪ੍ਰੈਲ (ਪੰਜਾਬ ਪੋਸਟ- ਵਿਨੀਤ ਅਰੋੜਾ)- ਥਾਣਾ ਸਦਰ ਪੁਲਸ ਫਾਜ਼ਿਲਕਾ ਨੇ ਇੱਕ ਵਿਅਕਤੀ ਦੇ ਬੈਂਕ ਅਕਾਊਂਟ ਵਿਚੋਂ 94 ਹਜ਼ਾਰ ਰੁਪਏ ਕੱਟੇ ਜਾਣ ਸਬੰਧੀ ਅਣਪਛਾਤੇ ਵਿਅਕਤੀ ਦੇ ਖਿਲਾਫ਼ ਮਾਮਲਾ ਦਰਜ਼ ਕੀਤਾ ਹੈ। ਪੁਲਸ ਨੂੰ ਦਿੱਤੇ ਬਿਆਨ ਵਿਚ ਰੋਸ਼ਨ ਲਾਲ ਨੇ ਦੱਸਿਆ ਕਿ ਬੀਤੇ ਦਿਨ ਐਕਸਿਸ ਬੈਂਕ ਵੱਲੋਂ ਇੱਕ ਜਾਅਲੀ ਤੌਰ ਤੇ ਫੋਨ ਆਇਆ। ਜਿਸ ਤੇ ਏ.ਟੀ.ਐਮ. ਦਾ ਕੋਡ ਦੱਸਣ ਤੇ ਉਸਦੇ ਬੈਂਕ ਅਕਾਉਂਟ ਵਿਚੋਂ 94 ਹਜ਼ਾਰ ਦੇ ਲਗਭਗ ਰੁਪਏ ਕਟੇ ਗਏ। ਪੁਲਸ ਨੇ ਹੁਣ ਜਾਂਚ ਪੜ੍ਹਤਾਲ ਕਰਨ ਤੋਂ ਬਾਅਦ ਅਣਪਛਾਤੇ ਵਿਅਕਤੀ ਦੇ ਖਿਲਾਫ਼ ਭਾਰਤੀ ਦੰਡ ਸੰਹਿਤਾ ਦੀ ਧਾਰਾ 420 ਅਤੇ 66 ਡੀਆਈਟੀ ਐਕਟ ਦੇ ਤਹਿਤ ਮਾਮਲਾ ਦਰਜ਼ ਕਰ ਲਿਆ ਹੈ।