ਚੋਰਾਂ ਨੇ ਵਾਸੂ ਬੈਟਰੀ ਨੂੰ ਨਿਸ਼ਾਨਾ ਬਣਾ ਕੀਤਾ 3.50 ਲੱਖ ਦਾ ਮਾਲ ਚੋਰੀ

ਫਾਜਿਲਕਾ,  26   ਜੂਨ (ਵਿਨੀਤ ਅਰੋੜਾ) –  ਚੋਰਾਂ ਦੁਆਰਾ ਵਾਸੂ ਬੈਟਰੀ ਦੀ ਦੁਕਾਨ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਲੱਗਭੱਗ 3.50 ਲੱਖ ਦਾ ਮਾਲ ਪਾਰ ਕਰ ਲਿਆ ।  ਘਟਨਾ ਦਾ ਪਤਾ ਦੁਕਾਨ ਮਾਲਿਕਾਂ ਨੂੰ ਸਵੇਰੇ 6.30 ਵਜੇ ਉਸ ਸਮੇਂ ਚਲਾ ਜਦੋਂ ਉਨ੍ਹਾਂ  ਦੇ  ਗੁਆਂਢੀ ਪਟਰੋਲ ਪੰਪ ਉੱਤੇ ਕੰਮ ਕਰਨ ਵਾਲੇ ਇੱਕ ਲੜਕੇ ਨੇ ਦਿੱਤੀ ਕਿ ਤੁਹਾਡੀ ਦੁਕਾਨ ਦਾ ਸ਼ਟਰ ਟੁੱਟਿਆ ਪਿਆ ਹੈ । ਜਾਣਕਾਰੀ ਦਿੰਦੇ ਵਾਸੂ ਬੈਟਰੀ  ਦੇ ਸੰਚਾਲਕ ਵਾਸੂ ਪੁੱਤਰ ਖਰੈਤ ਲਾਲ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਨੇ ਸ਼ਟਰ ਚੁੱਕ ਕੇ ਸਟਾਕ ਗਿਣਿਆ ਤਾਂ ੨੩ ਵੱਡੇ ਬੈਟਰੇ ਅਤੇ ੪ ਇੰਵਰਟਰ ਗਾਇਬ ਸਨ ਜਿਨ੍ਹਾਂਦੀ ਕੁਲ ਕੀਮਤ ੩.੫੦ ਲੱਖ ਰੁਪਏ ਬਣਦੀ ਹੈ । ਘਟਨਾ ਦੀ ਜਾਣਕਾਰੀ ਪੁਲਿਸ ਨੂੰ ਦੇਣ ਉਪਰਾਂਤ ਪੁਲਿਸ ਨੇ ਅਗਿਆਤ ਚੋਰਾਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ । ਧਿਆਨ ਯੋਗ ਹੈ ਕਿ ਮੰਗਲਵਾਰ ਰਾਤ ਨੂੰ ਅਗਿਆਤ ਚੋਰਾਂ ਨੇ ਇਸ ਰੋਡ ਉੱਤੇ ਸ਼੍ਰੀ ਹਰਿ ਟਾਇਰ ਦੀ ਦੁਕਾਨ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਟਾਇਰ ਚੋਰੀ ਕਰ ਲਈ ਸਨ ।