Monday, November 16, 2026

ਖੇਤੀ ਮਾਹਰਾਂ ਦੀ ਟੀਮ ਨੇ ਗੰਨੇ ਦੀ ਫਸਲ ਦੀ ਕੀਤਾ ਨਿਰੀਖਣ

PPN0906201712ਧੂਰੀ, 9 ਜੂਨ (ਪੰਜਾਬ ਪੋਸਟ- ਪ੍ਰਵੀਨ ਗਰਗ) – ਖੇਤੀ ਦੇ ਮਾਹਰਾਂ ਦੀ ਇੱਕ ਟੀਮ ਨੇ ਗੰਨੇ ਦੀ ਫਸਲ ਨੂੰ ਕੀੜਿਆਂ ਅਤੇ ਬੀਮਾਰੀਆਂ ਤੋਂ ਬਚਾਉਣ ਲਈ ਇਲਾਕੇ ਵਿੱਚ ਨਿਰੀਖਣ ਕੀਤਾ।ਇਸ ਟੀਮ ਵਿੱਚ ਵਿਗਿਆਨੀ ਡਾ. ਰਾਜਿੰਦਰ ਕੁਮਾਰ, ਪਲਾਂਟ ਫੀਡਰ ਰੀਜ਼ਨ ਰਿਸਰਚ ਸੈਂਟਰ ਕਪੂਰਥਲਾ ਦੇ ਡਾ. ਰੁਪਿੰਦਰ ਪਾਲ ਸਿੰਘ, ਸਹਾਇਕ ਗੰਨਾ ਵਿਕਾਸ ਅਫਸਰ ਧੂਰੀ ਦੇ ਡਾ. ਜਸਕੰਵਲ ਸਿੰਘ ਅਤੇ ਭਗਵਾਨਪੁਰਾ ਸ਼ੂਗਰ ਮਿੱਲ ਦੇ ਜਨਰਲ ਮੈਨੇਜਰ ਜੈਪਾਲ ਸਿੰਘ ਠਾਕੁਰ ਵੱਲੋਂ 9 ਪਿੰਡਾਂ ਵਿੱਚ 43 ਗੰਨਾ ਉਤਪਾਦਕਾਂ ਦੇ ਖੇਤਾਂ ਦਾ ਨਿਰੀਖਣ ਕੀਤਾ ਗਿਆ ਅਤੇ ਫਸਲ ਨੂੰ ਕੀੜਿਆਂ ਅਤੇ ਬੀਮਾਰੀਆਂ ਤੋਂ ਬਚਾਉਣ ਸਬੰਧੀ ਜਾਣਕਾਰੀ ਦਿੱਤੀ ਗਈ।ਉਹਨਾਂ ਗੰਨੇ ਦੀ ਫਸਲ ਪਹਿਲਾਂ ਦੇ ਮੁਕਾਬਲੇ ਬਿਹਤਰ ਹੋਣ ਦੇ ਆਸਾਰ ਵੀ ਜਤਾਏ ਅਤੇ ਕਿਸਾਨਾਂ ਨੂੰ ਸਲਾਹ ਦਿੱਤੀ ਕਿ ਉਹ ਫਸਲ ਦੀ ਵਧੀਆ ਪੈਦਾਵਾਰ ਲਈ ਜੂਨ ਅਤੇ ਜੂਲਾਈ ਮਹੀਨਿਆਂ ਵਿੱਚ ਫਲਟੇਰਾ, ਜੀ.ਆਰ ਕਾਰਬੋਰਿਯੂਰਨ ਦਾ ਇਸਤੇਮਾਲ ਕਰਨ।ਉਹਨਾਂ ਕਿਸਾਨਾਂ ਨੂੰ ਫਸਲ ਨੂੰ ਬੀਮਾਰੀ ਦੇ ਖਤਰੇ ਦੌਰਾਨ ਖੇਤੀ ਮਾਹਰਾਂ ਨਾਲ ਸੰਪਰਕ ਕਰਨ ਦੀ ਸਲਾਹ ਵੀ ਦਿੱਤੀ।

Check Also

ਬਾਬਾ ਦੀਪ ਸਿੰਘ ਜੀ ਸ਼ਹੀਦੀ ਦਿਹਾੜੇ ਮੌਕੇ ਗੁਰਦੁਆਰਾ ਸ਼ਹੀਦ ਗੰਜ ਸਾਹਿਬ ਵਿਖੇ ਵੱਡੀ ਗਿਣਤੀ ਸੰਗਤਾਂ ਨਤਮਸਤਕ

ਅੰਮ੍ਰਿਤਸਰ, 15 ਨਵੰਬਰ (ਜਗਦੀਪ ਸਿੰਘ) – ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਸਿੱਖ ਕੌਮ ਦੇ ਅਮਰ …

Leave a Reply