ਵਿਲੀਅਮ ਸ਼ੇਕਸਪੀਅਰ ਦਾ ਜਨਮ ਦਿਵਸ` ਮਨਾਇਆ ਗਿਆ

 ਭੀਖੀ/ਮਾਨਸਾ, 27 ਅਪ੍ਰੈਲ (ਪੰਜਾਬ ਪੋਸਟ – ਕਮਲ ਕਾਂਤ) – ਕਸਬਾ ਭੀਖੀ ਦੇ ਮਾਡਰਨ ਸੈਕੂਲਰ ਪਬਲਿਕ ਸਕੂਲ ਦੇ ਵਿਦਿਆਰਥੀਆਂ ਵਲੋਂ ਅੰਗਰੇਜ਼ੀ ਕਵੀ `ਵਿਲੀਅਮ ਸ਼ੈਕਸਪੀਅਰ ਦਾ ਜਨਮ ਦਿਵਸ` ਮਨਾਇਆ ਗਿਆ।ਵਿਦਿਆਰਥੀਆਂ `ਚ ਵੱਖ-ਵੱਖ ਹਾਊਸ ਬਣਾ ਕੇ ਕਵਿਤਾ ਬੋਲਣ ਦਾ ਮੁਕਾਬਲਾ ਕਰਵਾਇਆ ਗਿਆ।ਮੁਕਾਬਲੇ `ਚ ਪਹਿਲੇ ਸਥਾਨ `ਤੇ ਵਿਦਿਆਰਥਣ ਨਿਧਿਕਾ, ਦੂਜੇ ਸਥਾਨ `ਤੇ ਦੀਪਕ ਕੁਮਾਰ, ਤੀਜੇ ਸਥਾਨ `ਤੇ ਹਰਮਨ ਕੌਰ ਅਤੇ ਚੌਥੇ ਸਥਾਨ `ਤੇ ਰਮਨਪ੍ਰੀਤ ਕੌਰ ਰਹੇ।ਇਹ ਮੁਕਾਬਲਾ ਕੋਮਲਪ੍ਰੀਤ ਕੌਰ (ਹਾਊਸ ਹੈਡ) ਤੇ ਅਮਨਦੀਪ ਕੌਰ (ਵਾਇਸ ਹੈਡ) ਦੀ ਅਗਵਾਈ `ਚ ਹੋਇਆ।ਨਿਰਨਾਇਕ ਦੀ ਭੂਮਿਕਾ ਕਾਂਤਾ ਰਾਣੀ ਤੇ ਹਨੀ ਜਿੰਦਲ ਨੇ ਨਿਭਾਈ।ਸਕੂਲ ਪ੍ਰਿੰਸੀਪਲ ਸੰਦੀਪ ਕੌਰ ਵਲੋਂ ਮੁਕਾਬਲੇ `ਚ ਅੱਵਲ ਵਿਦਿਆਰਥੀਆਂ ਦੀ ਹੌਸਲਾ ਅਫਜ਼ਾਈ ਕਰਦੇ ਹੋਏ ਉਨ੍ਹਾਂ ਨੂੰ ਸ਼ੀਲਡਾਂ ਤੇ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ।ਇਸ ਮੌਕੇ ਸਮੂਹ ਸਟਾਫ ਮੈਂਬਰ ਵੀ ਹਾਜ਼ਰ ਸਨ।