ਖ਼ਾਲਸਾ ਕਾਲਜ ਵਿਖੇ ਵੱਖ-ਵੱਖ ਖੇਡਾਂ ਸਬੰਧੀ ਟਰਾਇਲ 30 ਤੇ 31 ਨੂੰ – ਡਾ. ਮਹਿਲ ਸਿੰਘ

ਅੰਮ੍ਰਿਤਸਰ, 27 ਮਈ (ਪੰਜਾਬ ਪੋਸਟ – ਸੁਖਬੀਰ ਸਿੰਘ ਖੁਰਮਣੀਆਂ) – ਖ਼ਾਲਸਾ ਕਾਲਜ ਦੇ ਪ੍ਰਿੰਸੀਪਲ ਡਾ. ਮਹਿਲ ਸਿੰਘ ਨੇ ਅੱਜ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕਾਲਜ ਇਸ ਸਮੇਂ ਚਲ ਰਹੇ ਦਾਖਲਿਆਂ ਦੇ ਮੱਦੇਨਜ਼ਰ ਲੜਕਿਆਂ ਲਈ ਵੱਖ-ਵੱਖ ਖੇਡਾਂ ਦੇ ਟਰਾਇਲ 30 ਅਤੇ 31 ਮਈ ਨੂੰ ਖੇਡ ਮੈਦਾਨ ਵਿਖੇ ਸਵੇਰੇ 8:00 ਵਜੇ ਕਰਵਾਏ ਜਾਣਗੇ।
    ਉਨ੍ਹਾਂ ਦੱਸਿਆ ਕਿ ਉਕਤ 2 ਦਿਨਾਂ ਦੇ ਪਹਿਲੇ 30 ਮਈ ਵਾਲੇ ਦਿਨ ਐਥਲੈਟਿਕ, ਬਾਸਕਟਬਾਲ, ਬਾਕਸਿੰਗ, ਕ੍ਰਿਕੇਟ, ਫ਼ੈਨਸਿੰਗ, ਜਿਮਨਾਸਟਿਕ, ਹੈਂਡਬਾਲ, ਹਾਕੀ, ਜੂਡੋ ਅਤੇ ਤੀਰ ਅੰਦਾਜ਼ੀ ਦੀ ਟਰਾਇਲ ਹੋਣਗੇ। ਜਦ ਕਿ 31 ਮਈ ਨੂੰ  ਕਰਾਟੇ, ਖੋ-ਖੋ, ਪੈਨਚਿਕ ਪਲਾਟ, ਵਾਲੀਵਾਲ, ਰੈਸਲਿੰਗ, ਵੁਸ਼ੂ ਅਤੇ ਬੈਡਮਿੰਟਨ ਹੋਣਗੇ। ਪ੍ਰਿੰ: ਡਾ. ਮਹਿਲ ਸਿੰਘ ਨੇ ਸਰੀਰਿਕ ਸਿੱਖਿਆ ਵਿਭਾਗ ਦੇ ਮੁਖੀ ਡਾ. ਦਲਜੀਤ ਸਿੰਘ, ਬਚਨਪਾਲ ਸਿੰਘ ਦੀ ਦੇਖ ਰੇਖ-ਹੋਣ `ਚ ਵਾਲੇ ਇਸ ਟਰਾਇਲ ਸਮੇਂ ਬੱਚੇ ਆਪਣੀ ਪੂਰੀ ਸਪੋਰਟਸ ਕਿੱਟ ਅਤੇ ਖੇਡਾਂ ਤੇ ਅਸਲ ਵਿੱਦਿਅਕ ਸਰਟੀਫ਼ਿਕੇਟਾਂ ਸਮੇਤ ਕਾਲਜ `ਚ  ਵਿਭਾਗ ਮੁੱਖੀ ਨਾਲ ਸੰਪਰਕ ਕਰਨ।ਉਨ੍ਹਾਂ ਕਿਹਾ ਕਿ ਚੁਣੇ ਖਿਡਾਰੀਆਂ ਲਈ ਹੋਸਟਲ, ਖਾਣਾ ਅਤੇ ਰਹਿਣ ਦਾ ਪ੍ਰਬੰਧ ਮੁਫ਼ਤ ਕੀਤਾ ਜਾਵੇਗਾ।ਇਹ ਚੋਣ ਕਾਲਜ ਦਾਖਲੇ ਲਈ ਕੀਤੀ ਜਾ ਰਹੀ ਹੈ।