ਸਿੱਖਿਆ ਬਾਬੇ ਨਾਨਕ ਦੀ

ਗੱਲ ਬਾਬੇ ਨਾਨਕ ਦੀ ਕਰਦੇ ਸਭ ਦੇਖੇ
ਪਰ ਸੋਚ ਉਨਾਂ ਦੀ ਤੋਂ ਕਿਉਂ ਡਰਦੇ ਹੋ

ਬਾਬੇ ਵਰਜ਼ਿਆ ਸੀ ਸਾਨੂੰ ਕਈ ਪਾਖੰਡਾਂ ਤੋਂ
ਤੁਸੀ ਹਾਮੀ ਹੀ ਪਾਖੰਡਾਂ ਦੀ ਭਰਦੇ ਹੋ

ਉਹ ਜੁਲਮਾਂ ਦੀ ਜੜ ਹੀ ਰਿਹਾ ਪੁੱਟਦਾ
ਤੁਸੀ ਜੁਲਮ ਹੀ ਸਭ ਪਾਸੇ ਕਰਦੇ ਹੋ

ਉਨਾਂ ਦਿੱਤਾ ਹੋਕਾ ਪ੍ਰੇਮ ਪਿਆਰ ਵਾਲਾ ਸੀ
ਤੁਸੀਂ ਤਾਂ ਖੁਸ਼ ਗਵਾਂਢੀ ਨੂੰ ਨਾ ਜ਼ਰਦੇ ਹੋ

ਵਰਜ਼ਿਆ ਜਿਨਾਂ ਬੁਰਾਈਆਂ ਤੋਂ ਬਾਬੇ ਨੇ ਸੀ
ਤੁਸੀਂ ਤਾਂ ਪੈਰ ਹੀ ਉਥੇ ਜਾ ਧਰਦੇ ਹੋ

ਸੱਚ ਛੱਡ ਕੇ ਝੂਠ ਅਪਣਾ ਲਿਆ ਹੈ
ਨਾ ਰੱਖਦੇ ਭੋਰਾ ਵੀ ਕੋਈ ਪਰਦੇ ਹੋ

ਗਰੀਬ ਲਾਚਾਰ ਮਾਸੂਮਾਂ ਨੂੰ ਸੀ ਗਲ਼ ਲਾਉਣਾ
ਬਿਨ ਗੱਲ ਤੁਸੀਂ ਉਨਾਂ ‘ਤੇ ਹੀ ਵਰ੍ਹਦੇ ਹੋ

ਵਿਸਾਰੀ ਸਿੱਖਿਆ ‘ਬੱਬੀ’ ਜੇ ਤੁਸੀਂ ਬਾਬੇ ਦੀ
ਰਹਿਣੇ ਫਿਰ ਘਾਟ ਦੇ ਨਾ ਹੀ ਘਰਦੇ ਹੋ।

 
ਬਲਬੀਰ ਸਿੰਘ ਬੱਬੀ
ਮੋ – 70091 07300