Punjab Post Daily Online Newspaper & Print Media
ਵਿਰਲੇ-ਟਾਂਵੇ ਲੋਕੀਂ ਸਮਝਣ,
ਮੁੰਡੇ-ਕੁੜੀ ਨੂੰ ਇੱਕ ਸਮਾਨ।
ਧੀ ਦੀ ਲੋਹੜੀ ਵੰਡਣ ਵਾਲਿਓ,
ਸਚੁਮੱਚ ਤੁਸੀਂ ਹੋ ਬੜੇ ਮਹਾਨ।
ਧੀ ਜੰਮਣ ‘ਤੇ ਜਸ਼ਨ ਮਨਾਉਂਦੇ,
ਘਰ ਆਮਦ ਤੇ ਤੇਲ ਵੀ ਚੋਂਦੇ,
ਭੰਡ ਤੇ ਖੁਸਰੇ ਨੱਚ ਕੇ ਜਾਂਦੇ,
ਦਿਲ ਖੋਹਲ ਕੇ ਕਰਦੇ ਦਾਨ।
ਧੀ ਦੀ ਲੋਹੜੀ ਵੰਡਣ ਵਾਲਿਓ,
ਸਚੁਮੱਚ ਤੁਸੀਂ ਹੋ ਬੜੇ ਮਹਾਨ।
ਲੋਹੜੀ ‘ਤੇ ਨੇ ਭੁੱਗ੍ਹਾ ਲਾਉਂਦੇ,
ਖੁਸ਼ੀ `ਚ ਖੀਵੇ ਨੱਚਦੇ-ਗਾਉਂਦੇ,
ਮੁੰਡਿਆਂ ਨਾਲੋਂ ਵੱਧ ਚਾਅ ਕਰਦੇ,
ਤੱਕ-ਤੱਕ ਲੋਕੀਂ ਹੋਣ ਹੈਰਾਨ ।
ਧੀ ਦੀ ਲੋਹੜੀ ਵੰਡਣ ਵਾਲਿਓ,
ਸਚੁਮੱਚ ਤੁਸੀਂ ਹੋ ਬੜੇ ਮਹਾਨ।
ਧੀਆਂ ਨੂੰ ਨਾ ਕੁੱਖ ਵਿੱਚ ਮਾਰੋ,
`ਰੰਗੀਲਪੁਰੇ` ਵਿੱਚ ਧੀ ਸਤਿਕਾਰੋ,
ਮਾਪਿਆਂ ਦੇ ਵੀ ਦੁੱਖ ਵੰਡਾਵਣ,
ਪੁੱਤ ਬਹੁਤੇ ਕਰਦੇ ਪਰੇਸ਼ਾਨ।
ਧੀ ਦੀ ਲੋਹੜੀ ਵੰਡਣ ਵਾਲਿਓ,
ਸਚੁਮੱਚ ਤੁਸੀਂ ਹੋ ਬੜੇ ਮਹਾਨ।
ਗੁਰਪ੍ਰੀਤ ਸਿੰਘ ਰੰਗੀਲਪੁਰ
ਮੋ. 9855 207071
