ਕੌਂਸਲਰ ਫੋਜੀ ਨੇ ਮਿਲਾਪ ਐਵਿਨਿਊ ਗਲੀ ਵਿੱਚ ਸੀ.ਸੀ ਫਲੋਰਿੰਗ ਦਾ ਕੀਤਾ ਉਦਘਾਟਨ

ਛੇਹਰਟਾ, 2 ਅਗਸਤ (ਸੁਖਬੀਰ ਖੁਰਮਨੀਆ) – ਹਲਕਾ ਪੱਛਮੀ ਦੀ ਵਾਰਡ ਨੰਬਰ 1 ਦੇ ਅਧੀਨ ਆਉਂਦੇ ਇਲਾਕਾ ਮਿਲਾਪ ਐਵਿਨਿਊ ਭੁੱਲਰ ਸਕੂਟਰਾਂ ਵਾਲੀ ਗਲੀ ਵਿਖੇ ਸੀਸੀ ਫਲੋਰਿੰਗ ਦੇ ਕਾਰਜ ਦਾ ਉਦਘਾਟਨ ਕੌਂਸਲਰ ਨਿਰਭੈ ਸਿੰਘ ਫੋਜੀ ਨੇ ਕੀਤਾ। ਇਸ ਮੌਕੇ ਫੋਜੀ ਨੇ ਕਿਹਾ ਕਿ ਪਿਛਲੇ ਲੰਮੇਂ ਸਮੇਂ ਤੋਂ ਕਾਂਗਰਸ ਦਾ ਰਾਜ ਹੋਣ ਕਾਰਨ, ਇੰਨਾਂ ਇਲਾਕਿਆਂ ਵੱਲ ਕਿਸੇ ਵੀ ਕੌਂਸਲਰ ਜਾਂ ਨਿਗਮ ਅਧਿਕਾਰੀ ਨੇ ਧਿਆਨ ਸੀ ਨਹੀ ਦਿੱਤਾ, ਜਿਸ ਕਾਰਨ ਹਲਕਾ ਪੱਛਮੀ ਦੀ ਇਹ ਵਾਰਡ ਪੂਰੀ ਤਰਾਂ ਪਿੱਛੜ ਗਈ ਸੀ। ਲੇਕਿਨ ਹੁਣ ਉੱਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਤੇ ਮਾਝੇ ਦੇ ਜਰਨੈਲ ਬਿਕਰਮ ਮਜੀਠੀਆ ਵਲੋਂ ਜੰਗੀ ਪੱਧਰ ‘ਤੇ ਵਿਕਾਸ ਕਾਰਜ ਕਰਵਾਏ ਜਾ ਰਹੇ ਹਨ ਤੇ ਜਲਦ ਹੀ ਇੰਨਾਂ ਵਿਕਾਸ ਕਾਰਜਾਂ ਨੂੰ ਨੇਪਰੇ ਚਾੜ ਦਿੱਤਾ ਜਾਵੇਗਾ। ਇਸ ਸਮੇਂ ਠੇਕੇਦਾਰ ਅਸ਼ਵਨੀ ਮੈਣੀ, ਬਲਕਾਰ ਸਿੰਘ, ਰਵੇਲ ਸਿੰਘ, ਐਮਏ ਜਸਬੀਰ ਸਿੰਘ, ਬਲਬੀਰ ਸਿੰਘ ਪੀਏ, ਕੈਪਟਨ ਸਿੰਘ, ਕੁਲਵੰਤ ਸਿੰਘ, ਸੁਰਜਣ ਸਿੰਘ, ਗੁੱਰਮੁੱਖ ਸਿੰਘ ਬਿੱਟੂ, ਮੇਜਰ ਸਿੰਘ, ਸੂਰਜ ਜੌਗੀ, ਰਜਿੰਦਰ ਪ੍ਰਸ਼ਾਦ, ਪ੍ਰਿੰ. ਸੁਨੀਤਾ ਥਾਪੜ, ਮਨੋਹਰ ਲਾਲ, ਪ੍ਰਿੰਸ ਆਦਿ ਹਾਜਰ ਸਨ।