ਪੰਜਾਬ ਦੀਆਂ ਕੁੜੀਆਂ ਨੇ ਜਿਤਿਆ 8ਵਾਂ ਸਾਫਟਬਾਲ ਫੈਡਰੇਸ਼ਨ ਕੱਪ – ਪੁਰਸ਼ ਵਰਗ ‘ਚ ਮਹਾਂਰਾਸ਼ਟਰ ਚੈਂਪੀਅਨ

ਅੰਮ੍ਰਿਤਸਰ, 17 ਜੂਨ (ਪੰਜਾਬ ਪੋਸਟ ਬਿਊਰੋ) – ਗੁਰੂ ਨਾਨਕ ਦੇਵ ਯੂਨਿਵਰਸਿਟੀ ਦੇ ਖੇਡ ਮੈਦਾਨ ਵਿਖੇ ਸੰਪੰਨ ਹੋਏ ਮਹਿਲਾ-ਪੁਰਸ਼ਾਂ ਦੇ ਆਲ ਇੰਡੀਆ 8ਵੇਂ ਸਾਫਟਬਸਾਲ ਫੈਡਰੇਸ਼ਨ ਕੱਪ ਦੋਰਾਨ ਪੰਜਾਬ ਦੀਆਂ ਕੁੜੀਆਂ ਚੈਂਪੀਅਨ ਰਹੀਆਂ, ਜਦੋਂ ਕਿ ਪੁਰਸ਼ਾਂ ਦੇ ਵਰਗ ਵਿਚ ਪੰਜਾਬ ਉਪ ਜੇਤੂ ਰਿਹਾ। ਸਾਫਟਬਾਲ ਫੈਡਰੇਸ਼ਨ ਆਫ ਇੰਡੀਆ ਦੇ ਜਨਰਲ ਸਕੱਤਰ ਪ੍ਰਵੀਨ ਅੋਮਾਕਰ ਦੇ ਦਿਸ਼ਾ ਨਿਰਦੇਸ਼ਾਂ ਤੇ ਸੂਬਾ ਸਕੱਤਰ ਪੀਐਮ ਪਾਸੀ ਦੇ ਬੇਮਿਸਾਲ ਪ੍ਰਬੰਧਾਂ ਹੇਠ ਆਯੋਜਤ ਮਹਿਲਾ ਪੁਰਸ਼ਾਂ ਦੀ ਇਸ ਖੇਡ ਪ੍ਰਤੀਯੋਗਿਤਾ ਦੇ ਦੋਰਾਨ ਦੇਸ਼ ਭਰ ਦੀਆਂ ਦੋ ਦਰਜਨ ਟੀਮਾਂ ਨੇ ਹਿੱਸਾ ਲਿਆ। ਜਿਸ ਦੋਰਾਨ ਮਹਿਲਾਵਾਂ ਦੇ ਵਰਗ ਵਿਚ ਪੰਜਾਬ ਪਹਿਲੇ ਸਥਾਨ ਤੇ ਰਹਿੰਦੇ ਹੋਏ ਚੈਂਪੀਅਨ ਬਣਿਆ। ਜਦੋਂ ਕਿ ਕੇਰਲਾ ਉਪਜੋੇਤੂ ਤੇ ਮੱਧ ਪ੍ਰਦੇਸ਼ ਨੂੰ ਤੀਸਰਾ ਸਥਾਨ ਮਿਲਿਆ। ਪੁਰਸ਼ਾਂ ਦੇ ਵਰਗ ਵਿਚ ਮਹਾਂਰਾਸ਼ਟਰ ਪਹਿਲੇ ਸਥਾਨ ਤੇ ਰਹਿ ਕੇ ਚੈਂਪੀਅਨ, ਜਦੋਂ ਕਿ ਪੰਜਾਬ ਉਪਜੇਤ੍ਵ ਤੇ ਹਰਿਆਣਾ ਨੂੰ ਤੀਸਰਾ ਸਥਾਨ ਮਿਲਿਆ। ਜੇਤੂਆਂ ਨੂੰ ਇਨਾਮ ਤਕਸੀਮ ਕਰਨ ਦੀ ਰਸਮ ਜੀਐਨਡੀਯੂ ਦੇ ਡਿਪਟੀ ਡਾਇਰੈਕਟਰ ਸਪੋਰਟਸ ਪ੍ਰੋਫ: ਡਾ: ਐਚਐਸ ਰੰਧਾਵਾ ਨੇ ਅਦਾ ਕੀਤੀ। ਇਸ ਮੋਕੇ ਚੇਅਰਮੈਨ ਸ਼੍ਰੀਕਾਂਤ, ਚੀਫ ਅੰਪਾਇਰ ਲਕਛਮਣ ਗਹਿਲੋਤ, ਸੀਐਲ ਭੱਟ, ਡਾ: ਵੀ ਕੌਲ, ਕੋਚ ਇੰਦਰਵੀਰ ਸਿੰਘ, ਪ੍ਰੋਫ: ਮਨਦੀਪ ਸਿੰਘ, ਜਸਪ੍ਰੀਤ ਸਿੰਘ, ਰੁਪਿੰਦਰ ਕੁੋਰ, ਵਿਕਰਮ ਮਲਹੋਤਰਾ, ਜੁਗਲ ਕਿਸ਼ੋਰ, ਸੁਸ਼ਮਾ, ਲਵਰਿਸ਼ੀ, ਵਿਕਾਸ ਕੁਮਾਰ ਆਦਿ ਹਾਜਰ ਸਨ।