ਧਰਮਾਂ ਦੇ ਨਾਂ ਦਾ ਧੰਦਾ….

ਧਰਮਾਂ ਦੇ ਨਾਂ ਹੇਠ ਚੱਲ ਰਿਹਾ ਦੇਖੋ
ਅੱਜਕਲ ਬਹੁਤਾ ਹੀ ਹੈ ਧੰਦਾ ਜੀ।
ਬਹੁਤੇ ਇਸ ਚੱਕਰ ਵਿਚ ਫਸ ਗਏ
ਬਚਿਆ ਨਾ ਕੋਈ ਬੰਦੀ ਚਾਹੇ ਬੰਦਾ ਜੀ।
ਮੋਟੀਆਂ ਰਕਮਾਂ `ਕੱਠੀਆਂ ਉਹ ਕਰ ਗਏ
ਮੰਗਦੇ ਸੀ ਜੋ ਥੋੜਾ ਥੋੜਾ ਚੰਦਾ ਜੀ।
ਕੋਈ ਹੀ ਚੰਗੀ ਸੋਚ ਵਾਲਾ ਬਚਿਆ
ਨਹੀਂ ਤਾਂ ਬਹੁਤਿਆਂ ਦੇ ਗਲ ਪਿਆ ਫੰਦਾ ਜੀ।
ਜਿੱਧਰ ਦੇਖੋ ਉਧਰ ਹੋ ਰਹੇ ਨੇ ਪਾਖੰਡ
ਪੂਜਾ ਪਾਠ ਨਾਂ ਹੇਠ ਚਲਦਾ ਹੈ ਰੰਦਾ ਜੀ।
ਧਰਮ ਗੁਰੂ ਬਾਬਿਆਂ ਦੇ ਚੁਕੇ ਗਏ ਪਰਦੇ
ਕੰਮ ਜੋ ਕਰਦੇ ਸੀ ਡਿਗੇ ਹੋਏ ਗੰਦਾ ਜੀ।
ਬਣ ਧਰਮੀਂ ਕਹਾ ਰਹੇ ਨੇ ਨੰਦ ਲਾਲ ਹੁਣ
ਜੋ ਸੀ ਕਦੇ ਹੁੰਦਾ ਇਹ ਨੰਦੂ ਤੇ ਨੰਦਾ ਜੀ।
ਮਨੱਖਤਾ ਦੀ ਸਾਰ ਨਾ ਲੈਂਦਾ ਕੋਈ
ਕਰਨੀਆਂ ਕੀ ਨੇ ਸੋਨੇ ਦੀਆਂ ਕੰਧਾਂ ਜੀ।
ਕਈ ਧਰਮੀਂ ਬਣ ਗਏ ਅੱਜ ਕਰੋੜਪਤੀ
ਪਰ ਬੱਬੀ ਵਰਗਿਆਂ ਦਾ ਚੱਲੇ ਮੰਦਾ ਜੀ।

ਬਲਬੀਰ ਸਿੰਘ ਬੱਬੀ
ਮੋ- 92175 – 92531