‘ਹਿਊਜ’ ਪ੍ਰਦਰਸ਼ਨੀ ਦੀ ਸ਼ਾਨ ਬਣਿਆ ਨੰਨਾ ‘ਜ਼ਿਦਾਨ’

ਅੰਮ੍ਰਿਤਸਰ, 19 ਜਨਵਰੀ (ਪੰਜਾਬ ਪੋਸਟ- ਦੀਪ ਦਵਿੰਦਰ ਸਿੰਘ) – ਕੇਟੀ ਕਲਾ ਕੇਂਦਰ ਵਿਖੇ ‘ਹਿਊਜ’ ਦੇ ਬੈਨਰ ਹੇਠ ਲੱਗੀ ਚਿੱਤਰ ਪ੍ਰਦਰਸ਼ਨੀ ਵਿੱਚ 6 ਵਰਿਆਂ ਦੇ ਨੰਨੇ ਚਿੱਤਰਕਾਰ ਜ਼ਿਦਾਨ ਵਲੋਂ ਬਣਾਈ ਪੈਨਸਿਲ ਡਰਾਇੰਗ ਦਰਸ਼ਕਾਂ ਲਈ ਖਿੱਚ ਦਾ ਕੇਂਦਰ ਬਣੀ ਰਹੀ।ਪ੍ਰਸਿੱਧ ਚਿੱਤਰਕਾਰ ਰਸ਼ਿਮ ਗੁਪਤਾ ਦੇ ਇਸ ਨੰਨੇ ਸ਼ਗਿਰਦ ਨੇ ਪੈਨਸਿਲ ਡਰਾਇੰਗ ਨਾਲ ਕੈਨਵਸ `ਤੇ ਦਰਜਨ ਦੇ ਲਗਭਗ ਵੱਖ-ਵੱਖ ਚਿਹਰੇ ਉਲੀਕ ਕੇ ਪ੍ਰਦਰਸ਼ਨੀ ਵਿੱਚ ਵਿਲੱਖਣ ਛਾਪ ਛੱਡੀ।ਦਿੱਸਣਯੋਗ ਹੈ ਕਿ ਨੰਨਾ ਚਿੱਤਰਕਾਰ ਜ਼ਿਦਾਨ ਮਾਉੂਂਟ ਲਿਟਰਾ ਜੀ ਸਕੂਲ `ਚ ਯੂ.ਕੇ.ਜੀ ਕਲਾਸ ਦੇ ਵਿਦਿਆਰਥੀ ਨੂੰ ਚਿੱਤਰਕਾਰੀ ਦੇ ਖੇਤਰ ਵਿਚ ਅੱਗੇ ਵਧਾਉਣ ਲਈ ਉਸ ਦੀ ਮਾਂ ਐਨੀ ਕਪੂਰ ਦਾ ਅਹਿਮ ਰੋਲ ਹੈ।