ਸਿਫਰ ਥਿਏਟਰ ਗਰੁੱਪ ਦੇ ਸਹਿਯੋਗ ਨਾਲ ਸਕੂਲੀ ਬੱਚਿਆਂ ਨੇ ਨਾਟਕ `ਹੁਣ ਸਭ ਸੈਟ ਹੈ` ਕੀਤਾ ਮੰਚਿਤ

ਅੰਮ੍ਰਿਤਸਰ, 19 ਮਈ (ਪੰਜਾਬ ਪੋਸਟ- ਦੀਪ ਦਵਿੰਦਰ ਸਿੰਘ) – 5 ਤੋਂ 15 ਸਾਲ ਦੇ ਬੱਚਿਆਂ ਨੇ ਸਿਫਰ ਥਿਏਟਰ ਗਰੁੱਪ ਦੇ ਸਹਿਯੋਗ ਨਾਲ ਜੇਸ ਕੈਂਬਰੇਜ ਸਕੂਲ ਬਟਾਲੇ ਦੇ ਬੱਚਿਆਂ ਵਲੋਂ ਪੰਜਾਬੀ ਨਾਟਕ `ਹੁਣ ਸਭ ਸੈਟ ਹੈ` ਸਥਾਨਕ ਨਾਟਸ਼ਾਲਾ ਵਿਖੇ ਭਾਵਪੂਰਣ ਤਰੀਕੇ ਵਲੋਂ ਪੇਸ਼ ਕੀਤਾ ਹੈ।ਨਾਟਕ ਦਾ ਥੀਮ ਵਰਤਮਾਨ ਸਮਾਜ ਵਿੱਚ ਬਦਲ ਰਹੇ ਰਿਸ਼ਤਿਆਂ ਨੂੰ ਦਰਸਾੳਂੁਦਾ ਹੈ। ਨਾਟਕ ਦੀ ਕਹਾਣੀ ਅਨੁਸਾਰ ਮੁਹੱਲੇ ਦੇ ਤਿੰਨ ਪਰਿਵਾਰਾਂ ਦੇ ਗੁਆਂਢ ਵਿੱਚ ਕੁਆਰਾ ਸ਼ਰਾਬੀ ਰਹਿੰਦਾ ਹੈ।ਗੁਆਂਢ ਦੀ ਔਰਤਾਂ ਉਸ ਨਾਲ ਪਿਆਰ ਤੇ ਸਤਿਕਾਰ ਨਾਲ ਪੇਸ਼ ਆਉਂਦੀਆਂ ਹਨ।ਉਨ੍ਹਾਂ ਗੁਆਂਢੀ ਔਰਤਾਂ ਵਲੋਂ ਹੱਸ-ਹੱਸ ਕੇ ਗੱਲਾਂ ਕਰਨ ਅਤੇ ਪ੍ਰੇਮ ਨਾਲ ਪੇਸ਼ ਆਉਣ ਦਾ ਮਤਲਬ ਉਹ ਕੁਆਰਾ ਗਲਤ ਤਰੀਕੇ ਨਾਲ ਲੈਂਦਾ ਹੈ।ਜਦੋਂ ਹਕੀਕਤ ਦਾ ਪਤਾ ਚਲਦਾ ਹੈ ਤਾਂ ਸ਼ਰਾਬੀ ਸ਼ਰਮਿੰਦਾ ਹੁੰਦਾ ਹੈ ।
ਵਿਸ਼ਾਲ ਸ਼ਰਮਾ ਵਲੋਂ ਲਿਖਤ ਤੇ ਨਿਰਦੇਸ਼ਿਤ ਇਸ ਡਰਾਮੇ `ਚ ਸੰਗੀਤ ਮਨੀਸ਼ ਅਰੋੜਾ ਨੇ ਦਿੱਤਾ ਹੈ।ਕਰੀਬ ਤਿੰਨ ਮਹੀਨੇ ਦੀ ਤਿਆਰੀ ਦੇ ਬਾਅਦ ਪੇਸ਼ ਇਸ ਨਾਟਕ ਬਾਰੇ ਲੇਖਕ ਦਾ ਕਹਿਣਾ ਹੈ ਕਿ ਆਮ ਤੌਰ `ਤੇ ਸਾਡੇ ਆਸਪਾਸ ਜੋ ਕੁੱਝ ਵਾਪਰਦਾ ਹੈ, ਉਸ ਨੂੰ ਉਹ ਅਕਸਰ ਦੂਜੇ ਤਰੀਕੇ ਨਾਲ ਲੈ ਲੈਂਦੇ ਹਾਂ।ਕਈ ਵਾਰ ਪਿਆਰ ਤੇ ਗੁੱਸਾ ਦੋਨਾਂ ਦਾ ਹੀ ਲੋਕਾਂ ਵਲੋਂ ਆਪਣੀ-ਆਪਣੀ ਸੋਚ ਦੇ ਮੁਤਾਬਿਕ ਮਤਲਬ ਕੱਢ ਲਿਆ ਜਾਂਦਾ ਹੈ।ਉਨ੍ਹਾਂ ਕਿਹਾ ਕਿ ਰਿਸ਼ਤਿਆਂ ਵਿੱਚ ਪੇਦਾ ਹੋ ਰਹੇ ਰਹੇ ਅਜਿਹੇ ਹੀ ਭੁਲੇਖਿਆਂ ਨੂੰ ਮੰਚ `ਤੇ ਪ੍ਰਦਰਸ਼ਿਤ ਕੀਤਾ ਗਿਆ ਹੈ।
ਨਾਟਸ਼ਾਲਾ  ਦੇ ਮੁਖੀ ਜਤਿੰਦਰ ਬਰਾੜ ਨੇ ਬੱਚਿਆਂ ਦੀ ਪੇਸ਼ਕਾਰੀ ਨੂੰ ਸਰਾਹਿਆ ਅਤੇ ਕਿਹਾ ਕਿ ਬਚਿਆਂ ਨੇ ਜਿਸ ਤਰੀਕੇ ਨਾਲ ਪੇਸ਼ਕਾਰੀ ਦਿੱਤੀ ਹੈ, ਉਸ ਤੋਂ ਸਾਬਤ ਹੁੰਦਾ ਹੈ ਕਿ ਉਨ੍ਹਾਂ ਵਿਚ ਉਨਾਂ ਵਿੱਚ ਕਲਾ ਦਾ ਅੰਸ਼ ਮੌਜੂਦ ਹੈ।  ਉਨ੍ਹਾਂ ਨੇ ਕਿਹਾ ਕਿ ਇਹ ਡਰਾਮਾ ਸਚਮੁੱਚ ਸਾਮਾਜਿਕ ਸਰੋਕਾਰਾਂ ਨਾਲ ਜੁੜਿਆ ਹੋਇਆ ਹੈ ਅਤੇ ਸਮਾਜ ਨੂੰ ਸਿਹਤਮੰਦ ਰਿਸ਼ਤਿਆਂ ਦੀ ਸਿਖਿਆ ਦਿੰਦਾ ਹੈ।