ਆਪ ਮੁਹਾਰੀ ਜਨਤਾ

ਅਖ਼ਬਾਰਾਂ ਦੇ ਵਿੱਚ ਦੋਸਤੋ ਨਿੱਤ ਖਬਰਾਂ ਛਪੀਆਂ
ਸੋਹਣੇ ਮੇਰੇ ਪੰਜਾਬ ਨੂੰ ਨੇ ਨਜ਼ਰਾਂ ਲੱਗੀਆਂ।
ਧੀਆਂ ਨੂੰ ਮਾਰਨ ਕੁੱਖ `ਚ ਭਾਈ ਨੂੰ ਭਾਈ ਮਾਰੇ
ਆਪ ਮੁਹਾਰੀ ਜਨਤਾ ਨਿੱਤ ਕੋਈ ਕਰਦੀ ਕਾਰੇ।

ਪੈਸੇ ਪਿੱਛੇ ਅਜਕਲ੍ਹ ਇੱਕ ਦੌੜ ਜਿਹੀ ਲੱਗੀ
ਹੱਥ `ਤੇ ਹੱਥ ਨੇ ਮਾਰ ਕੇ ਕਈ ਕਰਦੇ ਠੱਗੀ।
ਰਿਸ਼ਤੇ ਨਾਤੇ ਪੈਸੇ ਪਿੱਛੇ ਗਏ ਨਕਾਰੇ
ਆਪ ਮੁਹਾਰੀ………

ਕਲਯੁਗ ਦੇ ਵਿੱਚ ਵਾਸਨਾ ਰੰਗ ਵਿਖਾਏ
ਨਾ ਬਾਪ ਸਕਾ ਤੇ ਭਾਈ ਨਾ ਚਾਚੇ ਤਾਏ।
ਆਪਣੇ ਈਂ ਬਣਗੇ ਦੋਸਤੋ ਪਾਪੀ ਹਤਿਆਰੇ
ਆਪ ਮੁਹਾਰੀ………

ਹੁਣ ਆਪਣਿਆਂ ਦਾ ਸਿਰ ਉਤੋਂ ਹੈ ੳੱਠਿਆ ਸਾਇਆ
ਛੇਕ ਓਸੇ ਵਿੱਚ ਹੀ ਕਰਦੇ ਨੇ ਜਿਸ ਥਾਲੀ ਖਾਇਆ।
ਘਰਾਂ `ਚ ਦੱਬਣ ਮਾਰ ਕੇ ਚੰਦ ਨਵੇਂ ਨੇ ਚਾੜ੍ਹੇ
ਆਪ ਮੁਹਾਰੀ………

ਆਮ ਕਹਾਵਤ ਨਾਗ ਕਾਲੇ ਜੀ ਹੋਣ ਜਵਾਈ!
ਬੜੇ ਥਾਈਂ ਪਰਿਵਾਰ ਖਪਾਏ ਹੈ ਸੱਚ ਸਚਾਈ!!
ਪਰ ਪੰਜੇ ਉਂਗਲਾਂ ਇਕ ਨਹੀਂ ਇਹ ਜਾਨਣ ਸਾਰੇ
ਆਪ ਮੁਹਾਰੀ………

ਹਥਿਆਰਾਂ ਵਾਲਾ ਚਾਅ ਹੈ ਹਰ ਇੱਕ ਨੂੰ ਚੜ੍ਹਿਆ!
`ਦੱਦਾਹੂਰੀਆ` ਇਹ ਸ਼ੌਕ ਹੁਣ ਘਰ ਘਰ ਵੜਿਆ!!
ਖੁਸ਼ੀਆਂ ਉੱਤੇ ਅਕਸਰ ਇਹ ਪੈ ਜਾਂਦੇ ਭਾਰੇ
ਆਪ ਮੁਹਾਰੀ………

ਜਸਵੀਰ ਸ਼ਰਮਾ ਦੱਦਾਹੂਰ
ਸ਼੍ਰੀ ਮੁਕਤਸਰ ਸਾਹਿਬ
ਮੋ – 94176 22046