ਵੋਟ ਅਸਾਂ ਨੂੰ… (ਕਾਵਿ ਵਿਅੰਗ)

ਵੋਟ ਅਸਾਂ ਨੂੰ ਪਾਇਓ ਜੀ
ਮੁਫ਼ਤ ਬਣਾ ਕੇ ਘਰ ਦੇਵਾਂਗੇ,
ਘਰ ਵੀ ਤੁਹਾਡੇ ਭਰ ਦੇਵਾਂਗੇ।
ਇੱਕ ਗੱਲ ਮਨ `ਚ ਵਸਾਇਓ ਜੀ।
ਵੋਟ ਅਸਾਂ ਨੂੰ ਪਾਇਓ ਜੀ।

ਭਲਾਈ ਦੀਆਂ ਸਕੀਮਾਂ ਚਲਾਵਾਂਗੇ,
ਰਾਸ਼ਨ ਪਾਣੀ ਮੁਫ਼ਤ ਵਰਤਾਵਾਂਗੇ।
ਬੈਠ ਵਿਹਲੇ ਰੱਜ ਰੱਜ ਖਾਇਓ ਜੀ।
ਵੋਟ ਅਸਾਂ ਨੂੰ ਪਾਇਓ ਜੀ।

ਹਰ ਬੱਚੇ ਕੋਲ ਫੋਨ ਹੋਵੇਗਾ,
ਦਿਮਾਗ ਉਨ੍ਹਾਂ ਦਾ ਖੂਬ ਧੋਵੇਗਾ।
ਨੈਟ ਫ੍ਰੀ ਚਲਾਇਓ ਜੀ ।
ਵੋਟ ਅਸਾਂ ਨੂੰ ਪਾਇਓ ਜੀ।

ਨੌਕਰੀਆਂ `ਤੇ ਰੋਕ ਧਰਾਂਗੇ,
ਮਹਿੰਗੀ ਵਿੱਦਿਆ ਹੋਰ ਕਰਾਂਗੇ।
ਪੜ੍ਹ ਲਿਖ ਧੱਕੇ ਖਾਇਓ ਜੀ।
ਵੋਟ ਅਸਾਂ ਨੂੰ ਪਾਇਓ ਜੀ।
       

 
ਸੁਖਬੀਰ ਸਿੰਘ ਖੁਰਮਣੀਆਂ
ਅੰਮ੍ਰਿਤਸਰ।