ਸਰਕਾਰੀ ਪ੍ਰਾਇਮਰੀ ਸਕੂਲਾਂ `ਚ ਬਾਲ ਸੁਰਖਿਆ ਜਾਗਰੂਕਤਾ ਕੈਂਪ

ਭੀਖੀ/ਮਾਨਸਾ, 17 ਮਈ (ਪੰਜਾਬ ਪੋਸਟ – ਕਮਲ ਕਾਂਤ) – ਜਿਲ੍ਹਾ ਬਾਲ ਸੁਰੱਖਿਆ ਦਫ਼ਤਰ ਮਾਨਸਾ ਵਲੋਂ ਬੱਚਿਆਂ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਸਰਕਾਰੀ ਪ੍ਰਾਇਮਰੀ ਸਕੂਲ ਬੀਰ ਖੁਰਦ ਅਤੇ ਸਰਕਾਰੀ ਹਾਈ ਸਕੂਲ ਮੋਹਰ ਸਿੰਘ ਵਾਲਾ ਵਿਚ ਬਾਲ ਸੁਰਖਿਆ ਜਾਗਰੂਕਤਾ ਕੈਂਪ ਲਗਾਏ ਗਏ।  ਕੈਂਪ ਦੌਰਾਨ ਭੂਸ਼ਣ ਲਾਲ ਨੇ ਬੱਚਿਆਂ ਨੂੰ ਪੋਕਸੋ ਐਕਟ, ਜੁਵੇਨਾਈਲ ਜਸਟਿਸ ਐਕਟ, ਗੁੱਡ ਟੱਚ ਅਤੇ ਬੈਡ ਟੱਚ, ਸਿੱਖਿਆ ਦਾ ਅਧਿਕਾਰ, ਬਾਲ ਵਿਆਹ, ਬਾਲ ਮਜ਼ਦੂਰੀ ਸਬੰਧੀ ਵਿਸਥਾਰ ਜਾਣਕਾਰੀ ਦਿੱਤੀ।ਚਾਈਲਡ ਹੈਲਪਲਾਈਨ ਟੀਮ ਮੈਂਬਰ ਕੁਲਵਿੰਦਰ ਸਿੰਘ ਨੇ ਬੱਚਿਆਂ ਨੂੰ ਚਾਈਲਡ ਹੈਲਪਲਾਈਨ 1098 ਸਬੰਧੀ ਜਾਣੂ ਕਰਵਾਇਆ ਤਾਂ ਜੋ ਬੱਚੇ ਹਰ ਤਰਾਂ ਦੀ ਮੁਸ਼ਕਿਲ ਵਿਚ ਚਾਈਲਡ ਹੈਲਪਲਾਈਨ ਦਾ ਸਹਾਰਾ ਲੈ ਸਕਣ। ਇਸ ਮੌਕੇ ਦੋਨੋ ਪਿੰਡਾਂ ਦੇ ਸਕੂਲ ਸਟਾਫ਼ ਮੈਂਬਰ ਗੁਰਸੇਵਕ ਸਿੰਘ, ਵਿੰਦਰਜੀਤ ਸਿੰਘ, ਸ਼ੰਕਰ ਦਾਸ, ਸੁਰਿੰਦਰ ਕੁਮਾਰ, ਮਨਦੀਪ ਕੌਰ, ਕਰਮਜੀਤ ਕੌਰ, ਨੀਸ਼ੂ ਗਰਗ, ਚੰਦ ਭਾਨ ਮੌਜੂਦ ਸਨ।