ਮਨਮੋਹਨ ਸਿੰਘ ਟੀਟੂ ਨੇ ਬੱਚਿਆਂ ਨੂੰ ਵੰਡੀਆਂ ਵਰਦੀਆਂ

ਅੰਮ੍ਰਿਤਸਰ, 23 ਜਨਵਰੀ (ਪੰਜਾਬ ਪੋਸਟ ਬਿਊਰੋ) – ਵਿਧਾਨ ਸਭਾ ਹਲਕਾ ਦੱਖਣੀ ਅਧੀਨ ਪੈਂਦੀ ਵਾਰਡ 42 ਤੋਂ ਕੌਂਸਲਰ ਸ:ਮਨਮੋਹਨ ਸਿੰਘ ਟੀਟੂ ਦੀ ਅਗਵਾਈ ਹੇਠ ਅੰਦਰੂਨੀ ਗੇਟ ਹਕੀਮਾਂ, ਗਲੀ ਮੋਚੀਆਂ ਵਿਚ ਸਥਿਤ ਸਰਕਾਰੀ ਐਲੀਮੈਂਟਰੀ ਸਕੂਲ ਵਿਚ ਬੱਚਿਆਂ ਨੂੰ ਵਰਦੀਆਂ ਤਕਸੀਮ ਕੀਤੀ। ਇਸ ਮੌਕੇ ਸ:ਟੀਟੂ ਵਲੋਂ ਬੱਚਿਆਂ ਦੇ ਸਕੂਲ ਬਸਤਿਆਂ ਲਈ 5100 ਰੁਪਏ ਭੇਂਟ ਕੀਤੇ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਵਲੋਂ ਰਾਜ ਵਿਚ ਵਿਦਿਆ ਦੇ ਮਿਆਰ ਨੂੰ ਉੱਚਾ ਚੁੱਕਣ ਲਈ ਵਿਸ਼ੇਸ਼ ਉਪਰਾਲੇ ਕੀਤੇ ਜਾ ਰਹੇ ਹਨ ਜਿਵੇਂ ਲੜਕੀਆਂ ਨੂੰ ਮੁਫ਼ਤ ਸਾਈਕਲ ਤਕਸੀਮ ਕਰਨ ਵਰਗੀ ਨਿਵੇਕਲੀ ਉਸਾਰੂ ਸਕੀਮ ਦਾ ਲਾਭ ਅੱਜ ਪੰਜਾਬ ਦੀ ਧੀਆਂ ਲੈ ਰਹੀਆਂ ਸਨ ਅਤੇ ਅਜਿਹੀ ਉਸਾਰੂ ਸਕੀਮਾਂ ਦੇ ਆਉਣ ਬਾਲੇ ਸਮੇਂ ਕਈ ਅਹਿਮ ਸਿੱਟੇ ਨਿਕਲਨਗੇ। ਇਸ ਮੌਕੇ ਹੋਰਨਾ ਤੋਂ ਇਲਾਵਾ ਜਥੇ:ਪੂਰਨ ਸਿੰਘ ਮੱਤੇਵਾਲ ਸਕੱਤਰ ਜਨਰਲ, ਸਤਿੰਦਰਪਾਲ ਸਿੰਘ ਰਾਜੂ ਮੱਤੇਵਾਲ, ਸਵਿੰਦਰ ਸਿੰਘ ਵਸੀਕਾ, ਸ਼ਾਮ ਲਾਲ ਸਕੱਤਰ ਬੁਲਾਰੀਆਂ, ਸੰਜੀਵ ਕੁਮਾਰ ਟੋਨੀ, ਮਾਸਟਰ ਸੁਰਿੰਦਰਪਾਲ ਸਿੰਘ ਜੰਮੂ, ਰਾਜੂ ਸ਼ਰਮਾ, ਸੰਜੀਵ ਬੱਬਰ ਆਦਿ ਮੌਜੂਦ ਸਨ।